ലാസ് വെഗാസ് : ലവ് ക്ലൗഡ് എന്ന ലാസ്‌വേഗാസ് കമ്ബനി ആകാശരതിയെന്ന വന്യഭാവന യാഥാര്‍ഥ്യമാക്കുക എന്ന ഒരേയൊരു ലക്ഷ്യത്തോടെ പുതിയ ഒരു വിമാന സര്‍വീസ് ആരംഭിച്ചിരിക്കുകയാണ്. രതിയില്‍ ഏര്‍പ്പെടുന്ന കാര്യത്തില്‍ ആകാശമാണ് അതിര്. ‘സ്വപ്‍നം കാണാവുന്ന എവിടെവെച്ചും സെക്സില്‍ ഏര്‍പ്പെടാന്‍ സാധിക്കും’ എന്ന് പറഞ്ഞത് എലനോര്‍ റൂസ്‌വെല്‍റ്റ് ആണ്. അത് ഇനി കാറിലോ, ഹോട്ട് ടബ്ബിലോ, ബീച്ചിലോ, കാടിനുള്ളിലെ വിജനതയിലോ മാത്രമല്ല വിമാനത്തില്‍ വച്ചുപോലും സാധിക്കും
കാരണം ഇപ്പോള്‍ ലാസ് വെഗാസിലെ ഒരു വിമാനകമ്ബനി ഓഫര്‍ ചെയ്യും പ്രകാരം ആകാശത്തിലൂടെ പറന്നുപോയ്ക്കൊണ്ടിരിക്കുന്ന ഒരു വിമാനത്തില്‍ വച്ച്‌ സെക്സ് ചെയ്യാം. സ്കൈ സെക്സ് പ്രേമികള്‍ക്ക് ഇനി തങ്ങളുടെ ഫാന്റസികള്‍ സാക്ഷാത്കരിച്ചെടുക്കാന്‍ സ്വന്തം നഗരത്തില്‍ നിന്ന് അപരിചിതമായ മറ്റേതെങ്കിലും ഇടത്തിലേക്ക് പോകുന്ന വിമാനത്തില്‍ ഒരു ടിക്കറ്റൊക്കെ എടുത്ത് വിമാനയാത്ര പോയി, അതിലെ ഇടുങ്ങിയ ടോയ്‌ലെറ്റിനുള്ളിലേക്ക് എയര്‍ ഹോസ്റ്റസുകളുടെ കണ്ണുവെട്ടിച്ച്‌ ഒന്നിച്ച്‌ കയറിപ്പറ്റി പെടാപ്പാടു പെടേണ്ടതില്ല എന്ന് ചുരുക്കം.
996 ഡോളറിന്, അതായത് ഏതാണ്ട് മുക്കാല്‍ ലക്ഷം രൂപയ്ക്ക്, ലാസ് വെഗാസില്‍ നിന്ന് പുറപ്പെടുന്ന വിമാനം മുക്കാല്‍ മണിക്കൂര്‍ മണിക്കൂര്‍ ആകാശത്ത് നിങ്ങളെയും കൊണ്ട് ചുറ്റിക്കറങ്ങിയ ശേഷം തിരികെ പുറപ്പെട്ടിടത്തുതന്നെ എത്തിക്കും ഇനി മുതല്‍. ആ സമയം തികയാതെ വരുന്നവര്‍ക്ക്, പൈലറ്റിനോട് പറഞ്ഞാല്‍, അധിക പണം നല്‍കി ട്രിപ്പിന്റെ ദൈര്‍ഘ്യം ഒന്നര മണിക്കൂര്‍ ആക്കി വര്‍ധിപ്പിക്കാനും വകുപ്പുണ്ട്.
വിമാനത്തിന്റെ പൈലറ്റ് ക്യാപ്റ്റന്‍ ടോണി എന്നറിയപ്പെടുന്ന ആന്റണി ബ്ലെയ്ക്ക് ആണ്. തന്റെ ട്വിന്‍ എഞ്ചിന്‍ സെസ്ന വിമാനത്തിലേറുന്ന പ്രണയമിഥുനങ്ങളെ ക്യാപ്റ്റന്‍ ടോണി 5280 അടി ഉയരത്തില്‍ എങ്ങോട്ടെന്നില്ലാതെ പറത്തും. എഞ്ചിന്‍ കണ്‍സോളിനെ മണിയറയില്‍ നിന്ന് വേര്‍തിരിക്കുന്നത് ഒരു കര്‍ട്ടന്‍ ആണ്. വിപണിയില്‍ ലഭ്യമായ ഏറ്റവും മികച്ച നോയ്‌സ് ക്യാന്‍സലേഷന്‍ ഹെഡ് സെറ്റുമായിട്ടാല്‍ പൈലറ്റ് വിമാനം പറത്തുന്നത് എന്നതുകൊണ്ടുതന്നെ പിന്നില്‍ നടക്കാന്‍ ഇടയുള്ള ബഹളങ്ങളൊന്നും തന്നെ അദ്ദേഹത്തിന്റെ ഏകാഗ്രതയ്ക്ക് ഭംഗം വരുത്തില്ല.
നവവിവാഹിതരായ ദമ്ബതികളും സെക്സില്‍ പുതുമ തേടുന്ന മധ്യവയസ്‌കരും മുതല്‍ യൂറോപ്പില്‍ നിന്നെത്തുന്ന സ്വിങ്ങിങ് കപ്പിള്‍സ് വരെ ലവ് ക്ലൗഡിന്റെ സേവനങ്ങള്‍ പ്രയോജനപ്പെടുത്തുന്നുണ്ട് എന്ന് ക്യാപ്റ്റന്‍ ടോണി ന്യൂയോര്‍ക്ക് പോസ്റ്റിനോട് പറഞ്ഞു. കര്‍ട്ടനുപിന്നില്‍ രണ്ടു പേര്‍ക്ക് സുഖമായി കിടക്കാവുന്ന ഒരു മെത്തയും, ചുവപ്പുനിറത്തിലുള്ള സാറ്റിന്‍ കവറുകളിട്ട സെക്സ് പൊസിഷന്‍ തലയിണകളുമുണ്ട്. എഴുപതുകളില്‍ പ്ലേ ബോയ് മാഗസിന്റെ ഉടമ ഹ്യൂ ഹെഫ്നര്‍ക്ക് സ്വന്തമായി ഉണ്ടായിരുന്ന ബിഗ് ബണ്ണി സ്വകാര്യ ജെറ്റുകളുടെ അതേ ഇന്റീരിയര്‍ ആണ് ഈ ലവ് ക്ലൗഡ് വിമാനങ്ങള്‍ക്കും ഉള്ളത്.
.
