![sohan seenulal](https://thekarmanews.com/wp-content/uploads/2022/03/1647853220401.jpg)
നടനും സംവിധായകനുമായ സോഹൻ സീനുലാൽ വിവാഹിതനായി. സ്റ്റെഫി ഫ്രാൻസിസാണ് വധു. കൊച്ചിയിൽ വച്ചാണ് വിവാഹ ചടങ്ങുകൾ നടന്നത്. ഫെഫ്ക വർക്കിങ്ങ് ജനറൽ സെക്രട്ടറി കൂടിയാണ് സോഹൻ സീനുലാൽ. കാബൂളിവാല എന്ന ചിത്രത്തിൽ ബാലതാരമായാണ് സോഹൻ വെള്ളിത്തിരയിൽ എത്തുന്നത്. പിന്നീട് വർഷങ്ങൾക്കു ശേഷം സംവിധായകൻ ഷാഫിയുടെ അസിസ്റ്റന്റായി സിനിമയിൽ പ്രവർത്തിച്ചു.
ബാലതാരമായി സിനിമയിലെത്തിയ സോഹൻ പിന്നീട് ഷാഫിയുടെ സംവിധാന സഹായിയായി. 2011ൽ മമ്മൂട്ടിയെ നായകനാക്കി ‘ഡബിൾസ്’ എന്ന ചിത്രമാണ് ആദ്യം സംവിധാനം ചെയ്തത്. തുടർന്ന് വന്യം, അൺലോക്ക് എന്നീ സിനിമളൊരുക്കി.
എബ്രിഡ് ഷൈനിന്റെ ‘ആക്ഷൻ ഹീറോ ബിജുവിലൂടെ സോഹന്റെ കഥാപാത്രം ശ്രദ്ധേയമായിരുന്നു. ഇത് കൂടാതെ ‘പുതിയ നിയമം’, ‘മുന്തിരിവള്ളികൾ തളിർക്കുമ്പോൾ’, ‘അബ്രഹാമിന്റെ സന്തതികൾ’, ‘പഞ്ചവർണ്ണതത്ത’, ‘ദി പ്രീസ്റ്റ്’ എന്നിവയുൾപ്പെടെ നാൽപതിലധികം ചിത്രങ്ങളിൽ അഭിനയിച്ചിട്ടുണ്ട്.