ബിഗ്‌ബോസ് മലയാളം സീസണ്‍ മൂന്നിലെ 38-ാം ദിവസം ആരംഭിച്ചത് ഏറെ വേദന നിറഞ്ഞ ഒരു വാര്‍ത്തയോടെയായിരുന്നു. ഭാഗ്യലക്ഷ്മിയുടെ ഭര്‍ത്താവിന്റെ വിയോഗ വാര്‍ത്ത മറ്റ് മത്സരാര്‍ത്ഥികളെയും വിഷമത്തിലാക്കിയരുന്നു. ഭാഗ്യലക്ഷ്മിയുടെ ഭര്‍ത്താവ് രമേശ് കുമാറിന്റെ ആത്മാവിനു വേണ്ടി പ്രാര്‍ത്ഥിച്ചു കൊണ്ടായിരുന്നു കിടിലന്‍ ഫിറോസ് മോര്‍ണിംഗ് ആക്ടിവിറ്റിയെ കുറിച്ച് വായിച്ചത്.
ഇതിനിടെ പുതിയ ടാസ്‌ക്കുമെത്തി. ബുദ്ധിയുടെയും സൗന്ദര്യത്തിന്റെയും പേരില്‍ മത്സരം നടക്കുകയാണെങ്കില്‍ ഹൗസില്‍ നിന്നും ആരെ പറഞ്ഞയക്കും എന്നതായിരുന്നു ടാസ്‌ക്. ആദ്യം സജ്‌നയാണ് ടാസ്‌കില്‍ എത്തിയത്. തന്റെ ഭര്‍ത്താവ് ഫിറോസ് ഖാന്റെ പേരാണ് സജ്‌ന പറഞ്ഞത്. തന്റെ മുന്‍പില്‍ സൗന്ദര്യവും ബുദ്ധിയും ഒക്കെയുള്ളത് തന്റെ ഇക്കയ്ക്കാണ്,എന്റെ എല്ലാം എല്ലാം അദ്ദേഹമാണ് അതുകൊണ്ടുതന്നെ ഇക്കയെ തന്നെ തെരെഞ്ഞെടുക്കുകയാണ് എന്ന് സജ്‌ന പറഞ്ഞു.
ടാസ്‌ക്കില്‍ പിന്നീട് എത്തിയത് മണിക്കുട്ടന്‍ ആയിരുന്നു. സൗന്ദര്യത്തില്‍ മജ്‌സിയയുടെ പേരും ബുദ്ധിയില്‍ സജ്‌നയുടെ പേരുമാണ് മണിക്കുട്ടന്‍ പറഞ്ഞത്. തന്റെ സൗന്ദര്യസങ്കലപ്പത്തില്‍ ഉള്ളത് തട്ടം ഇട്ടുകൊണ്ട് മത്സരത്തില്‍ പങ്കെടുക്കുന്ന ഭാനുവിനെയാണ്. അതുകൊണ്ട് സൗന്ദര്യമത്സരത്തിന് മജ്‌സിയയെ തെരഞ്ഞെടുക്കുന്നു. ബുദ്ധിയുടെ കാര്യത്തില്‍ സജ്‌നയെ പറയാന്‍ കാരണം ഇവിടെ ബുദ്ധി പ്രയോഗിക്കുന്നുണ്ട്. ബുദ്ധിയുടെ മത്സരത്തില്‍ ഞാന്‍ അവളെ ആണ് അയക്കുന്നത്.-മണിക്കുട്ടന്‍ പറഞ്ഞു. തുടര്‍ന്ന് റംസാനാണ് ടാസ്‌കില്‍ എത്തിയത്. സൗന്ദര്യ മത്സരത്തില്‍ നോബിയെ വിടുമെന്നാണ് റംസാന്‍ പറഞ്ഞത്. ബുദ്ധിയുടെ കാര്യത്തില്‍ ഋതുവിനെയും റംസാന്‍ തിരഞ്ഞെടുത്തു. വിടെന്ന് ഇറങ്ങുന്നതിന് മുന്‍പ് സൗന്ദര്യ മത്സരത്തില്‍ പങ്കെടുക്കാന്‍ കഴിയുന്ന രീതിയില്‍ നോബിയെ മാറ്റുമെന്ന് റംസാന്‍ പറഞ്ഞു.
പിന്നാലെ സൂര്യയാണ് ടാസ്‌ക്കില്‍ എത്തിയത്. ബുദ്ധിയുടെ കാര്യത്തില്‍ അഡോണിയുടെ പേരും സൗന്ദര്യത്തിന്റെ കാര്യത്തില്‍ മണിക്കുട്ടന്റെ പേരുമാണ് സൂര്യ പറഞ്ഞത്. എന്റെ കണ്ണില്‍ തോന്നിയ സൗന്ദര്യമാണ് മണിക്കുട്ടന്‍. അത് ഇവിടെ വന്നപ്പോള്‍ മാത്രമല്ല പുറത്തുവച്ചും അങ്ങനെയാണ്. എല്ലാത്തിലും അദ്ദേഹം ഒരു സ്റ്റെപ്പ് മുകളിലാണ് പേഴ്‌സണാലിറ്റി, സൗന്ദര്യം, ഇടപെടലുകള്‍ എല്ലാം അങ്ങനെയാണ് എന്നും സൂര്യ പറയുന്നു. നോബി ഡിംപലിന്റേയും ഋതു വിന്റേയും പേരാണ് പറഞ്ഞത്.
