മിനി സ്‌ക്രീനിലും ബിഗ് സ്‌ക്രീനിലും തിളങ്ങുകയാണ് നടി ശ്രീവിദ്യ മുല്ലച്ചേരി. സ്റ്റാർ മാജിക് ഷോയിൽ എത്തിയതോടെയാണ് നടി ഏറെ ശ്രദ്ധിക്കപ്പെട്ടത്. സോഷ്യൽ മീഡിയയിലും ഏറെ സജീവമാണ് നടി. തന്റെ ജീവിതത്തിലെ പുതിയ വിശേഷങ്ങളും മറ്റും താരം സോഷ്യൽ മീഡിയയിലൂടെ പങ്കുവെയ്ക്കാറുണ്ട്. . ഇപ്പോഴിതാ ശ്രീവിദ്യയുടെ പുത്തൻ വിശേഷമാണ് ശ്രദ്ധ നേടുന്നത്, എന്റെ കല്യാണ ഒരുക്കങ്ങൾ ഇവിടെ ആരംഭിക്കുന്നു എന്ന കാപ്ഷനോടെ ശ്രീവിദ്യ പങ്കിട്ട വീഡിയോയാണ് വൈറലായത്.
തിരുവനന്തപുരത്ത് ഷൂട്ടിങ്ങ് ആവശ്യത്തിന് എത്തിയ ശ്രീവിദ്യ മടങ്ങിപ്പോകുന്നതിന് മുൻപ് ജ്വല്ലറിയിലേക്ക് പോവുകയായിരുന്നു ജ്വല്ലറിയിലെത്തി വിവാഹ ആവശ്യത്തിനുള്ള ആഭരണങ്ങളെല്ലാം സെലക്ട് ചെയ്ത് വെക്കുകയും അതിനെ കുറിച്ച് സംസാരിക്കുകയും ചെയ്ത നടി എന്നാൽ ഇത് ഇപ്പോൾ വാങ്ങാനല്ല എന്നാണ് പറഞ്ഞത്. തൻ്റെ ബിഗ് പർച്ചെയ്സ് വരാൻ പോകുന്നതേയുള്ളു, അത് വഴിയെ പറയാമെന്നും ശ്രീവിദ്യ പറഞ്ഞു.
നടി അനു പറഞ്ഞത് പ്രകാരമാണ് താനിവിടെ വന്നതെന്നും ശ്രീവിദ്യ പറഞ്ഞിരുന്നു. എപ്പോഴത്തെയും പോലെ അല്ല, അനു ഇത്തവണ പറഞ്ഞത് സത്യമായിരുന്നുവെന്നും പലപ്പോഴും അനു പറയാറുള്ളതിൻ്റെ ഓപ്പോസിറ്റാണ് നടക്കാറുണ്ടായിരുന്നത് എന്നും സംസാരത്തിനിടയിൽ ശ്രീവിദ്യ പറഞ്ഞിരുന്നു. ഉടനെ കല്യാണം ഉള്ളത് കൊണ്ടല്ല. വിവാഹത്തിന് വേണ്ടി മുൻകരുതലായി സ്വർണം വാങ്ങി വെക്കാനുള്ള ശ്രമമാണെന്ന് നടി വ്യക്തമാക്കിയത് വീഡിയോയുടെ അവസാനത്തോടെയാണ്.
