ബിഗ് സ്‌ക്രീനിലും മിനിസ്‌ക്രീനിലും ഒരുപോലെ തിളങ്ങി നില്‍ക്കുന്ന താരമാണ് സുബി സുരേഷ്. നടിയായും അവതാരകയായും ഒക്കെ താരം സജീവമാണ്. കോമഡി പരിപാടികളിലും നടി തിളങ്ങി. സോഷ്യല്‍ മീഡിയകളിലും ഏറെ സജീവമാണ് സുബി. പുതിയ ചിത്രങ്ങളും വീഡിയോകളും വിശേഷങ്ങളും ഒക്കെ പങ്കുവെച്ച് സുബി രംഗത്ത് എത്താറുണ്ട്. ഇവ വളരെ പെട്ടെന്ന് വൈറലായി മാറാറുമുണ്ട്. ഇപ്പോള്‍ താരം പങ്കുവെച്ച ഒരു ചിത്രത്തിന് താഴെ അധിക്ഷേപ കമന്റിട്ടയാളെ പരസ്യമായി തുറന്ന് കാട്ടിയിരിക്കുകയാണ് സുബി.
താരസുന്ദരിമാര്‍ ചേര്‍ന്നെടുത്ത ഒരു സെല്‍ഫി ചിത്രത്തിന് താഴെ ഒരാള്‍ കുറിച്ച കമന്റ് വളരെ മോശമായത് ആയിരുന്നു. മോശം കമന്റിന് അതേ നാണയത്തില്‍ തിരിച്ചു മറുപടി നല്‍കിയിരിക്കുകയാണ് നടി സുബി. അജിത്ത് കുമാര്‍ പികെ അജിത്ത്കുമാര്‍ എന്ന അക്കൌണ്ടില്‍ നിന്നാണ് അധിക്ഷേപിക്കുന്ന തരത്തിലുള്ള കമന്റ് എത്തിയത്. എല്ലാ പടക്കങ്ങളും ഉണ്ടല്ലോ എന്നായിരുന്നു കന്റ്. ഇതിന് മറുപടിയായി സുബി ഇങ്ങനെ കുറിച്ചു. ‘പടക്കം എന്ന് നിന്റെ കുടുംബത്ത് ഉള്ളവരെ പോയി വിളിക്കെടാ… അല്ലെങ്കിലും സ്വന്തം കുടുംബപാരമ്പര്യം അനുസരിച്ചേ ചിലര്‍ സംസാരിക്കു, കുടുംബം മറക്കുന്നത് ശരിയല്ലല്ലോ അല്ലേടാ’.
ഈ മഹാന്റെ സംസ്‌ക്കാരം എല്ലാരും ഒന്ന് അറിയട്ടെ എന്നാണ് സുബി കമന്റിന്റെ സ്‌ക്രീന്‍ ഷോട്ട് പങ്കുവെച്ചുകൊണ്ട് കുറിച്ചിരിക്കുന്നത്. അതേസമയം അവനു മറുപടി അതെ രീതിയില്‍ ചേച്ചി കൊടുത്തു ഇതില്‍ അവനും ചേച്ചി യും തമ്മില്‍ ഉള്ള വ്യത്യാസം എന്താ എന്ന് നൈജോ ജോര്‍ജ്ജ് കമന്റിലൂടെ ചോദിച്ചപ്പോള്‍ ഇതിനും സുബി മറുപടിയുമായെത്തി.
നൈജോ ജോര്‍ജ്ജ്, താന്‍ വെറുപ്പിച്ചെന്നു പറഞ്ഞ് തന്റെ വീട്ടുകാരെ ഇതുപോലെ വിളിച്ചാല്‍ വിട്ടുകളയുമോ? എന്നാണ് സുബി സുരേഷ് തിരിച്ചു ചോദിച്ചത്. നിരവധി പേരാണ് സുബി സുരേഷിന്റെ പ്രതികരണത്തെ കൈയ്യടിച്ചു പ്രോത്സാഹിപ്പിക്കുന്നത്. വിമര്‍ശിക്കുന്നവരും കുറവല്ല.
