![covid kerala2](https://thekarmanews.com/wp-content/uploads/2021/02/covid-kerala2.jpg)
തമിഴ്നാട് : കേരളത്തില് നിന്നുള്ളവര്ക്ക് നിയന്ത്രണം ഏര്പ്പെടുത്തി തമിഴ്നാടും ബംഗാളും. കേരളത്തില്നിന്ന് എത്തുന്നവര്ക്ക് തമിഴ്നാട് ഒരാഴ്ച ഹോം ക്വാറന്റീന് നിര്ബന്ധമാക്കി. എന്നാല് വിനോദസഞ്ചാരികള്ക്കു നിയന്ത്രണം ഏര്പ്പെടുത്തിയിട്ടില്ലെന്ന് അധികൃതര് വ്യക്തമാക്കി. ഊട്ടിയില് ജില്ലാ കലക്ടര് നിയന്ത്രണം ഏര്പ്പെടുത്തിയിട്ടുണ്ട്.
ഊട്ടിയില് എത്തുന്നവര് കോവിഡ് നെഗറ്റീവ് സര്ട്ടിഫിക്കറ്റ് കൈയില് നിര്ബന്ധമായി കരുതേണ്ടിവരും. കേരളം, മഹാരാഷ്ട്ര, തെലങ്കാന, കര്ണാടകം എന്നിവിടങ്ങളില് നിന്നെത്തുന്നവര് നിര്ബന്ധമായും കോവിഡ് നെഗറ്റീവ് സര്ട്ടിഫിക്കറ്റ് കൈയില് കരുതണമെന്ന് ബംഗാള് നിര്ദേശിച്ചു.
ശനിയാഴ്ച ഉച്ചയ്ക്കു 12 തൊട്ട് ഉത്തരവ് പ്രാബല്യത്തില് വരും. 72 മണിക്കൂര് മുമ്ബ് ആര്ടി പിസിആര് പരിശോധന നടത്തി നെഗറ്റീവ് സര്ട്ടിഫിക്കറ്റ് ഉള്ളവര്ക്കു മാത്രമേ വിമാനത്തില് ബംഗാളില് ഇറങ്ങാന് കഴിയൂ.
തമിഴ്നാടും കഴിഞ്ഞ ദിവസം സമാനമായ നിയന്ത്രണം പ്രഖ്യാപിച്ചിരുന്നു. വിമാനത്തില് എത്തുന്നവര് നിര്ബന്ധമായും ആര്ടി പിസിആര് പരിശോധന നടത്തി നെഗറ്റീവ് സര്ട്ടിഫിക്കറ്റ് ഹാജരാക്കണമെന്നും തമിഴ്നാട് സര്ക്കാര് നിര്ദേശിച്ചിട്ടുണ്ട്. കഴിഞ്ഞ ദിവസങ്ങളില് കര്ണാടക, ഉത്തരാഖണ്ഡ്, മഹാരാഷ്ട്രം ഡല്ഹി സര്ക്കാരുകളും യാത്രാ നിയന്ത്രണം ഏര്പ്പെടുത്തിയിരുന്നു.