സിപിഎമ്മിനെ രൂക്ഷമായി വിമര്‍ശിച്ച് വിഡി സതീഷന്‍ എംഎല്‍എ. വരുന്ന നിയമസഭാ തെരഞ്ഞെടുപ്പിലെ പരാജയം മുന്നില്‍ കണ്ട് വര്‍ഗ്ഗീയ ധ്രുവീകരണത്തിനുള്ള ആസൂത്രിത ശ്രമമാണ് സി പി എം നടത്തുന്നതെന്ന് വി ഡി സതീശന്‍ എംഎല്‍എ പറഞ്ഞു .
കേരളത്തിന് അഭിമാനമായ മതമൈത്രി തകര്‍ക്കുവാനുള്ള അപകടകരമായ നീക്കത്തില്‍ നിന്ന് സി പി എം പിന്തിരിയണം .കേരളത്തിലെ പ്രബലമായ ന്യൂനപക്ഷ സമുദായങ്ങളെ തമ്മിലടിപ്പിച്ച് സര്‍ക്കാരിന്റെ അഴിമതിയും , ഭരണപരാജയവും മറക്കുന്നതിനുള്ള ഗുഡാലോചനയാണ് പാര്‍ട്ടി നേതാക്കളുടെ പ്രസ്താവനകളില്‍ നിഴലിക്കുന്നത് .
കേരളത്തിലെ മതമൈത്രി തകര്‍ക്കുവാനുള്ള സി പി എം ശ്രമങ്ങള്‍ കേരളത്തിലെ പ്രബുദ്ധമായ ജനത തിരിച്ചറിയുക തന്നെ ചെയ്യുമെന്ന് അദ്ദേഹം പറഞ്ഞു. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്യര്യകേരളയാത്രയുടെ മുന്നൊരുക്ക പ്രവര്‍ത്തനങ്ങള്‍ വിലയിരുത്തുന്നതിന് കോട്ടയം ജില്ലാ കോണ്‍ഗ്രസ്സ് കമ്മറ്റി ഓഫീസ് ഓഡിറ്റോറിയത്തില്‍ ചേര്‍ന്ന യു ഡി എഫ് ജില്ലാ നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം .
