![mannar](https://thekarmanews.com/wp-content/uploads/2024/07/mannar.jpg)
മാന്നാർ:പതിനഞ്ചു വർഷങ്ങൾക്ക് മുൻപ് മാന്നാറിൽ നിന്നും കാണാതായ പെൺകുട്ടിയെ കൊന്ന് കുഴിച്ചുമൂടിയെന്ന് രഹസ്യമൊഴി. കലയെ കൊന്ന് സെപ്റ്റിക് ടാങ്കില് കുഴിച്ചുമൂടിയെന്ന മൊഴി പുറത്തുവന്നതിന് പിന്നാലെ കലയുടെ ഭര്ത്താവിന്റെ സുഹൃത്തുക്കളായ അഞ്ചുപേരെ പൊലീസ് കസ്റ്റഡിയിലെടുത്തു. സെപ്റ്റിക് ടാങ്ക് കുഴിച്ച് പൊലീസ് പരിശോധന ആരംഭിച്ചു.
കല എന്ന 20 വയസുകാരിയെ 15 വര്ഷം മുന്പ് ആണ് കാണാതായത്. കല കൊല്ലപ്പെട്ടതായുള്ള സൂചന നല്കുന്ന ഊമകത്ത് പൊലീസ് സ്റ്റേഷനില് ലഭിച്ചിരുന്നു. ഇതിന്റെ അടിസ്ഥാനത്തില് നടത്തിയ അന്വേഷണത്തിലാണ് പ്രതികള് പിടിയിലായത്.
പ്രതികള് ചേര്ന്ന് കാറില് വച്ച് കലയെ കൊലപ്പെടുത്തിയ ശേഷമാണ് സെപ്റ്റിക് ടാങ്കില് കുഴിച്ചുമൂടിയത് എന്നാണ് മൊഴിയില് പറയുന്നത്. മൊഴി സത്യമാണോ എന്ന് സ്ഥിരീകരിക്കാന് സെപ്റ്റിക് ടാങ്ക് തുറന്ന് പരിശോധന ആരംഭിച്ചിരിക്കുകയാണ് പൊലീസ്. പുതിയ വീട് നിർമ്മിച്ചപ്പോൾ പഴയ ബാത്ത്റൂം സെപ്റ്റിക് ടാങ്കും അതേ പോലെ തന്നെ നിലനിർത്തിയതാണ് നാട്ടുകാരിൽ സംശയമുളവാക്കിയത്.