സ്പീക്കര് പി. ശ്രീരാമകൃഷ്ണന് സ്വര്ണക്കടത്ത് സംഘത്തെ നേരിട്ട് സഹായിച്ചു എന്ന് ബിജെപി സംസ്ഥാന പ്രസിഡന്റ് കെ. സുരേന്ദ്രന്. സ്പീക്കറുടെ വിദേശയാത്രകള് പലതും ദുരൂഹമാണെന്നും കെ. സുരേന്ദ്രന് ആരോപിച്ചു. ഭഗവാന്റെ പേരുള്ള പ്രമുഖന് സ്വര്ണക്കടത്തില് നേരിട്ട് പങ്കുണ്ടെന്നായിരുന്നു കഴിഞ്ഞ ദിവസം സ്പീക്കര് ശ്രീരാമകൃഷ്ണനെ പരോക്ഷമായി പരാമര്ശിച്ച കെ. സുരേന്ദ്രന് ആരോപിച്ചത്. ഇതിനു പിന്നാലെയാണ് ഇപ്പോള് വ്യക്തമായി സ്പീക്കര് പി. ശ്രീരാമകൃഷ്ണന്റെ പേര് പറഞ്ഞ് വിമര്ശിച്ച് സുരേന്ദ്രന് രംഗത്തെത്തിയിരിക്കുന്നത്.
കൊള്ള സംഘങ്ങളെ സഹായിക്കാന് നേതാക്കള് പദവികള് ദുരുപയോഗം ചെയ്തത് ഞെട്ടിക്കുന്നുവെന്നും അഴിമതിക്കെതിരായ ജനങ്ങളുടെ വിധിയെഴുത്താവും ഈ തെരഞ്ഞെടുപ്പെന്നും കെ.സുരേന്ദ്രന് പറഞ്ഞു. അഴിമതിയാണ് തെരഞ്ഞെടുപ്പിലെ പ്രധാന ചര്ച്ചാ വിഷയമെന്നും സുരേന്ദ്രന് കൂട്ടിച്ചേര്ത്തു.