എസ്എസ്എൽസി ഫലം വന്നതോടെ സോഷ്യൽ മീഡിയയിലൂടെ നിരവധിപ്പേരാണ് മാർക്ക് ലിസ്റ്റ് പങ്കിട്ടത്. തന്റെ പത്താം ക്ലാസ് മാർക്ക് ലിസ്റ്റ് പങ്കുവച്ചിരിക്കുകയാണ് തൃക്കാക്കര ഉപതെരഞ്ഞെടുപ്പിൽ എൽഡിഎഫ് സ്ഥാനാർത്ഥിയായിരുന്ന ഡോ.ജോ ജോസഫ്.
210 മാർക്ക് എന്ന കടമ്പ കടക്കുക എന്നതായിരുന്നു ഞങ്ങളുടെ തലമുറയുടെ ജീവിത ലക്ഷ്യങ്ങളിൽ ഏറ്റവും പ്രധാനപ്പെട്ടത്. എസ്എസ്എൽസി ഫലപ്രഖ്യാപനം എന്നുമൊരു നൊസ്റ്റാൾജിയയാണെന്നും ജോ ജോസഫ് ഫേസ്ബുക്കിൽ കുറിച്ചു.
തന്റെ എസ്എസ്എൽസി ഫലം വന്നു 28 വർഷത്തിനുശേഷം വിലയിരുത്തിൽ പിന്നീടങ്ങോട്ട് ‘മുമ്പന്മാർ പലരും പിമ്പന്മാരായി, പിമ്പന്മാർ പലരും മുമ്പന്മാരായി’. അന്നൊക്കെ മെയ് മാസം അവസാനത്തെ ആഴ്ചയിലെ ആ ഫലപ്രഖ്യാപനത്തിന്റെ അലയൊലികൾ പത്രത്താളുകളിൽ ഏതാനും ദിവസത്തേക്ക് ഉണ്ടാകും. ആ നൊസ്റ്റാൾജിയ മൂലമാണ് താനും എസ്എസ്എൽസി ബുക്ക് ഒന്ന് പരതി നോക്കിയതെന്നും രസകരമായ ഓർമ്മ പങ്കുവച്ച് ജോ ജോസഫ് പറയുന്നു.
