ദുരിതബാധതരായ ജനതയെ സഹായിക്കാൻ കണ്ണട ലേലത്തിന് വെച്ച് മുൻ പോൺതാരം മിയ ഖലീഫ.മണിക്കൂറുകൾക്കുള്ളിൽ 75 ലക്ഷം രൂപ വരെയാണ് ലേല തുക ഉയർന്നത്.സ്വന്തം കണ്ണടയുടെ വില കേട്ട് അമ്പരന്ന് ഇരിക്കുകയാണ് താരം. താരം തന്നെയാണ് ഇക്കാര്യം സമൂഹ മാധ്യമത്തിലൂടെ അറിയിച്ചത്.
പോൺ സിനിമയിൽ അഭിനയിച്ചു കൊണ്ടിരിക്കുന്ന കാലത്ത് ഉപയോഗിച്ചിരുന്ന പ്രിയപ്പെട്ട കണ്ണട ഇബേയിലാണ് മിയ ലേലത്തിൽ വെച്ചത്.മിയയുടെ ഇൻസ്റ്റഗ്രാം അക്കൗണ്ടിൽ ഇതേ കുറിച്ചുള്ള വിവരങ്ങളും താരം പങ്കുവച്ചിരുന്നു.ലേലത്തിൽ നിന്ന് കിട്ടുന്ന തുക മുഴുവനായും റെഡ് ക്രോസ് വഴി ദുരിതബാധിതർക്ക് നൽകുമെന്നാണ് മിയ അറിയിച്ചത്.
ലെബനൻ സ്വദേശി കൂടിയാണ് മിയ.ബയ്റുത്തിലെ തുറമുഖത്ത് സുരക്ഷ ഉറപ്പാക്കാതെ കപ്പലിൽ വർഷങ്ങളായി സൂക്ഷിച്ചിരുന്ന 2750 ടൺ അമോണിയം നൈട്രേറ്റാണ് സ്ഫോടനത്തിനും വൻ ആൾനാശത്തിനും ഇടയാക്കിയത്.160-ലധികം പേർ മരിക്കുകയും 5000ത്തോളം പേർക്ക് പരിക്കേൽക്കുകയും ചെയ്തിരുന്നു.