മലയാളികളുടെ പ്രിയപ്പെട്ട അവതാരകയും നടിയുമാണ് പേളി മാണി.പേളിയുടെ കുടുംബാംഗങ്ങളും പ്രേക്ഷകര്‍ക്ക് സുപരിചിതരാണ്.ഇപ്പോള്‍ കുഞ്ഞ് അതിഥിയെ സ്വീകരിക്കാനുള്ള തയ്യാറെടുപ്പിലാണ് താരകുടുംബം.അടുത്തിടെയാണ് താന്‍ ഗര്‍ഭിണിയാണെന്ന വാര്‍ത്ത താരം പങ്കുവെച്ചത്.ഇപ്പോള്‍ പുതിയൊരു വിശേഷം കൂടി പേളിയുടെ കുടുംബത്തില്‍ സംഭവിക്കാന്‍ പോവുകയാണ്.പേളിയെ കുറിച്ചും സഹോദരി റേച്ചലിനെ കുറിച്ചും പറയുന്നതിനിടെ പിതാവ് മാണി പോള്‍ ആണ് വിശേഷം പങ്കുവെച്ചത്.ഒരു അഭിമുഖത്തിലാണ് മാണി പോള്‍ തുറന്ന് സംസാരിച്ചത്.
സഹോദരി റേച്ചലിന്റെ വിവാഹമാണ് പേളിയുടെ കുടുംബത്തിലെ പുതിയ വിശേഷം.പിതാവ് മാണി പോളാണ് റേച്ചലിന്റെ വിവാഹത്തെ കുറിച്ച് പറഞ്ഞത്.റേച്ചലിന്റെ വിവാഹം സെറ്റായിട്ടുണ്ട്.അടുത്ത വര്‍ഷം വിവാഹം കാണും.നല്ല പയ്യനാണ്.മകളുടെ വരനെക്കുറിച്ചൊക്കെ കുറേക്കഴിഞ്ഞേ പറയുള്ളൂവെന്നുമായിരുന്നു അദ്ദേഹം പറഞ്ഞത്.
പേളിയെക്കുറിച്ച് പ്രൗഡായ നിരവധി സന്ദര്‍ഭങ്ങളുണ്ട്.ഡി ഫോര്‍ ഡാന്‍സിനിടയിലെ സംഭവത്തെക്കുറിച്ചായിരുന്നു അദ്ദേഹം പറഞ്ഞത്.പേളിക്ക് പണി കൊടുക്കുകയായിരുന്നു ജഡ്ജസ്.ആത്മവിശ്വാസത്തെക്കുറിച്ച് സംസാരിക്കാനായിരുന്നു അവിടെയുള്ളവര്‍ പറഞ്ഞത്.അവര്‍ കൊടുത്ത സബ്ജക്ടായിരുന്നു.പേളി സംസാരിച്ച് കഴിഞ്ഞപ്പോള്‍ എല്ലാവരും ഞെട്ടിയിരുന്നു.അത്ര മനോഹരമായാണ് അവള്‍ സംസാരിച്ചത്.അടിപൊളിയായാണ് അവള്‍ സംസാരിച്ചത്.എന്നെ തന്നെയാണല്ലോ കാണുന്നതെന്നായിരുന്നു തോന്നിയത്.യൂട്യൂബില് നോക്കിയാല് ആ വീഡിയോ ഇപ്പോഴും കാണാനാവുമെന്നും മാണി പോള്‍ പറഞ്ഞു.പേളിക്ക് നല്ല തൊലിക്കട്ടിയാണ്.വളിപ്പ് ചോദ്യമൊക്കെ ചോദിച്ച് വരാറുണ്ട്.കൊറോണ വന്നപ്പോള്‍ അവര്‍ ആദ്യത്തെ രണ്ടുമാസം ഞങ്ങളുടെ കൂടെയായിരുന്നു.അത് കഴിഞ്ഞാണ് അവര്‍ അങ്ങോട്ടേക്ക് മാറിയത്.തന്നെയായാല്‍ എങ്ങനെയായിരിക്കുമെന്ന് അറിയണല്ലോയെന്ന് പറഞ്ഞായിരുന്നു പോയി.ഷൂട്ട് ചെയ്തത് അവിടെ വെച്ചാണ്.ഭംഗിയായി അത് തീര്‍ക്കാന്‍ പോവുകയാണ്.എഴുത്തും അവള്‍ക്ക് വഴങ്ങുമെന്നും മാണി പോള്‍ പറഞ്ഞു.
