അലനും താഹയും ഭരണകൂട ഭീകരതയുടെ ഇരകളാണെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. സംവരണ വിഷയത്തില് സിപിഎമ്മിന് ദുഷ്ടലാക്കാണ്, പിണറായി വിജയന് കപട കമ്മ്യൂണിസ്റ്റാണെന്നും മുല്ലപ്പള്ളി പറഞ്ഞു. അഭിമന്യുവിന്റെ കുടുംബത്തിനായി സിപിഎം പിരിച്ച പണം എവിടെയെന്നും മുല്ലപ്പള്ളി ചോദിച്ചു. അലന്റേയും താഹയുടേയും വീട്ടില് സന്ദര്ശനം നടത്തിയ ശേഷം സംസാരിക്കുകയായിരുന്നു മുല്ലപ്പള്ളി. ശബരിമലയിലേ അതേ അനുഭവം സംവരണ വിഷയത്തിലും സിപിഎമ്മിനുണ്ടാകമെന്ന് മുല്ലപ്പള്ളി കൂട്ടിച്ചേര്ത്തു.
യുഎപിഎ കേസില് അറസ്റ്റിലായ അലനും താഹയും പത്തുമാസത്തിനു ശേഷമാണ് പുറത്തിറങ്ങിയത്. താഹയുടെ കുടുംബത്തിന് കെപിസിസി വാഗ്ദാനം ചെയ്ത അഞ്ച് ലക്ഷം രൂപ കൈമാറി. ഭവന രഹിതര്ക്കായി കെപിസിസി സമാഹരിച്ച തുകയില് നിന്നാണ് താഹയുടെ കുടുംബത്തിന് സഹായം നല്കിയത്.
താഹയ്ക്ക് വീടിലലാത്തതിനാല് വീട് വെയ്ക്കാന് പണം നല്കാമെന്ന് നേരത്തെ കോണ്ഗ്രസ് പറഞ്ഞിരുന്നു. ഇതേത്തുടര്ന്നാണ് ഇപ്പോള് കെപിസിസി അഞ്ച് ലക്ഷം രൂപ നല്കിയത്. അഭിമന്യുവിന്റെ കുടുംബത്തിനായി സിപിഎം പിരിച്ച പണം എവിടെയെന്ന് ചോദിച്ച മുല്ലപ്പള്ളി കെപിസിസി 1000 വീടുകള്ക്കായി സമാഹരിച്ച തുക കൊണ്ട് എത്ര പേര്ക്ക് വീട് നിര്മ്മിച്ചു നല്കിയെന്നതിന്റെ കണക്കുകള് രണ്ടാഴ്ചയ്ക്കകം പുറത്ത് വിടുമെന്നും വ്യക്തമാക്കി.