![priyanka and nick](https://thekarmanews.com/wp-content/uploads/2022/01/New-Project-11-4.jpg)
താരസുന്ദരി പ്രിയങ്ക ചോപ്രയ്ക്കും ഭര്ത്താന് നിക് ജോനാസിനും കുഞ്ഞ് പിറന്നു. വാടക ഗര്ഭധാരണം വഴിയാണ് താരദമ്പതികള്ക്ക് കുഞ്ഞ് ജനിച്ചത്. പ്രിയങ്കയും നിക്കും ഒരുമിച്ചാണ് കുഞ്ഞിനെ ജീവിതത്തിലേക്ക് സ്വീകരിച്ച വിവരം സമൂഹ്യമാധ്യങ്ങളിലൂടെ അറിയിച്ചത്. ജീവിതത്തില് കുഞ്ഞതിഥി എത്തിയതിന്റെ സന്തോഷത്തിലാണ് ഇരുവരും.
പ്രിയങ്കയുടെയും നിക്കിന്റെയും വാക്കുകള് ഇങ്ങനെ, ‘ഞങ്ങള് സറൊഗേറ്റ് വഴി ഒരു കുഞ്ഞിനെ ജീവിതത്തിലേക്ക് ക്ഷണിച്ചിരിക്കുകയാണ് എന്ന സന്തോഷം നിങ്ങളെ അറിയിക്കുന്നു. ഈ സന്തോഷ സമയത്ത് ഞങ്ങള്ക്ക് വേണ്ട സ്വകാര്യത നിങ്ങളോട് ബഹുമാനപൂര്വ്വം ചോദിക്കുകയാണ്. ഈ സമയം ഞങ്ങളുടെ കുടുംബത്തിനാണ് ശ്രദ്ധ വേണ്ടത്. എല്ലാവര്ക്കും ഒരുപാട് നന്ദി.’
2018 ലാണ് പ്രിയങ്ക ചോപ്രയും നിക് ജോനാസും വിവാഹിതരായത്. അടുത്തിടെ വാനിറ്റി ഫെയര് മാഗസിനു നല്കിയ അഭിമുഖത്തില് കുഞ്ഞുങ്ങളെക്കുറിച്ച് പ്രിയങ്ക സംസാരിച്ചിരുന്നു. നിലവില് കരിയര് തിരക്കുകളിലാണ് നിക് ജോനാസും പ്രിയങ്കയും. മാട്രിക്സ് റിസറക്ഷന്സ് ആണ് പ്രിയങ്കയുടെ ഒടുവിലത്തെ ഹോളിവുഡ് ചിത്രം. ബോളിവുഡില് ജീലേ സരാ എന്ന ചിത്രത്തിലും പ്രിയങ്ക വേഷമിടുന്നുണ്ട്. സോയ അക്തര് പ്രൊഡക്ഷന്സ് നിര്മിക്കുന്ന ഈ ചിത്രത്തില് കത്രീന കൈഫും ആലിയ ഭട്ടുമാണ് മറ്റ് കേന്ദ്ര കഥാപാത്രങ്ങള്.