തിരുവനന്തപുരം. പാലോട് കാട്ടുപന്നിയുടെ ആക്രമണത്തില് ഒരാള്ക്ക് പരിക്കേറ്റു. പരുക്കേറ്റ ഇലവുപാലം സ്വദേശി രവി (60) യ്ക്കാണ് ഗുരുതരമായ പരിക്കേറ്റത്. പരിക്കേറ്റ രവിയെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശപ്പിച്ചു.
പുലര്ച്ചെ ചായകുടിക്കുവാന് വീട്ടില് നിന്നും സമീപത്തെ കടയിലേക്ക് പോയതാണ് രവി. ഈ സമയത്ത് കാട്ടുപന്നി ആക്രമിക്കുകയായിരുന്നു. നാട്ടുകാരാണ് കാട്ടുപന്നിയെ വിരട്ടി ഓടിച്ച ശേഷം രവിയെ ആശുപത്രിയിലേക്ക് കൊണ്ടുപോയത്.
കാട്ടുപന്നി രവിയെ നിലത്ത് തള്ളിയിട്ട ശേഷം കുത്തി പരിക്കേല്പ്പിക്കുകയായിരുന്നു. ആക്രമണത്തില് രവിയുടെ ഒരു വിരല് അറ്റുപോയി. ഗുരുതരമായി പരിക്കേറ്റ രവി ചിത്സയിലാണ്.