സമൂഹമാധ്യമങ്ങളിലൂടെ അധിക്ഷേപിക്കുന്നവർക്കെതിരെ കേസ് കൊടുക്കുമെന്ന് തെലുങ്കുതാരം അനസൂയ ഭരദ്വാജ്. സഹികെട്ട അവസ്ഥയിൽ തന്റെ അവസാന മുന്നറിയിപ്പായിട്ടാണ് സമൂഹമാധ്യമങ്ങളിലെ അധിക്ഷേപ കമന്റുകൾക്കെതിരെ തുറന്നടിച്ച് കേസ് കൊടുക്കുമെന്ന് താരം വ്യക്തമാക്കിയിരിക്കുന്നത്.
‘ആന്റി’ എന്നു വിളിച്ചു പരിഹസിച്ചുകൊണ്ടു കമന്റിടുന്നവർക്കെതിരെയാണ് അനസൂയ രൂക്ഷമായി പ്രതികരിച്ചിരിക്കുന്നത്. നടൻ വിജയ് ദേവരക്കൊണ്ടയുടെ ആരാധകരാണ് നടിക്കെതിരെ സൈബർ ആക്രമണം നടത്തുന്നതെന്നാണ് താരം പറയുന്നത്. സമൂഹമാധ്യമങ്ങളിലൂടെ ഇത്തരത്തിൽ അധിക്ഷേപിക്കുന്നവരുടെ കമന്റുകൾ സ്ക്രീൻഷോട്ടെടുത്ത് കേസ് കൊടുക്കുമെന്ന് താരം പറഞ്ഞു.
ദേവരക്കൊണ്ടയുടെ പുതിയ സിനിമയുടെ നെഗറ്റീവ് റിവ്യൂകളുമായി ബന്ധപ്പെട്ട് നടി പങ്കുവച്ച കുറിപ്പാണ് ആരാധകരെ ചൊടിപ്പിച്ചത്. ‘‘പ്രായത്തെ അപമാനിച്ചാണ് ആന്റി എന്നു വിളിക്കുന്നത്. ഇതിലേക്ക് എന്റെ കുടുംബത്തെ കൂടി വലിച്ചിഴക്കുകയാണ്. അവർക്കെതിരെ കേസ് റജിസ്റ്റർ ചെയ്യും. ന്യായമായ ഒരു കാരണമില്ലെങ്കിൽ ദുഃഖിക്കേണ്ടി വരും. ഇതെന്റെ അവസാന മുന്നറിയിപ്പാണ് – എന്നിങ്ങനെ നീളുന്നു നടിയുടെ ട്വീറ്റുകൾ.
അധിക്ഷേപിക്കുന്ന ഓരോ അക്കൗണ്ടിന്റെയും സ്ക്രീൻഷോട്ട് എടുത്ത് സൂക്ഷിക്കുമെന്ന് പറഞ്ഞിട്ടുള്ള താരം ഇത് തന്റെ അവസാനത്തെ മുന്നറിയിപ്പാണെന്നും അറിയിച്ചിട്ടുണ്ട്. മോശം കമന്റിടുന്നവർ അത് ചെയ്തതിനെ ഓർത്ത് ഭാവിയിൽ ദുഃഖിക്കേണ്ടി വരുമെന്നും അനസൂയ മുന്നറിയിപ്പ് നൽകിയിട്ടുണ്ട്. സ്റ്റോപ് ഏയ്ജ് ഷെയ്മിങ് എന്ന ഹാഷ് ടാഗോടെ തനിക്കെതിരെയുള്ള ട്വീറ്റുകളും അനസൂയ പോസ്റ്റു ചെയ്തിട്ടുണ്ട്. തന്റെ ട്വീറ്റിന് താഴെ വന്ന കമന്റുകളാണ് അവർ പങ്കുവെച്ചിരിക്കുന്നത്. സ്റ്റേ നോ ടു ഓൺലൈൻ അബ്യൂസ് എന്ന ഹാഷ് ടാഗിൽ നിരവധി ട്വീറ്റുകളാണ് നടി ഇതുമായി ബന്ധപ്പെട്ട് തെലുങ്കിൽ പോസ്റ്റ് ചെയ്തിട്ടുള്ളത്.
ജനശ്രദ്ധ നേടാനായുള്ള വിലകുറഞ്ഞ കുതന്ത്രമല്ലേ ഇത്തരം പ്രതികരണങ്ങളെന്നു ചോദിച്ചവർക്കും അനസൂയ കൃത്യമായ മറുപടി നൽകുന്നുണ്ട്. ഇത്തരം വ്യക്തിപരമായ അധിക്ഷേപങ്ങൾ സാധാരണമല്ലേ എന്നു കരുതി അവഗണിച്ചു മുമ്പോട്ടു പോകുന്നത് ശരിയല്ല. സ്ത്രീകളെ വ്യക്തിഹത്യ നടത്തുന്നവരെ അങ്ങനെ വെറുതെ വിടുന്നത് തെറ്റായ സന്ദേശമാകും സമൂഹത്തിനു നൽകുക – അനസൂയ പറഞ്ഞിരിക്കുന്നു.
മമ്മൂട്ടി നായകനായ ഭീഷ്മപർവത്തിൽ നായിക കഥാപാത്രമായിരുന്ന ആലീസിനെ അവതരിപ്പിച്ച 37കാരിയായ അനസൂയ ഭരദ്വാജ് നേരത്തെ ടെലിവിഷൻ അവതാരകയായിരുന്ന്. 2003ൽ നാഗ എന്ന ചിത്രത്തിലൂടെയാണ് സിനിമയിൽ അവർ എത്തുന്നത്. അല്ലു അർജുന്റെ പുഷ്പ ദ് റൈസിലും അഭിനയിച്ചിട്ടുണ്ട്. പുഷ്പയുടെ രണ്ടാം ഭാഗത്തിലും താരം അഭിനയിക്കുന്നുണ്ടെന്നാണ് പുറത്ത് വരുന്ന റിപ്പോർട്ടുകൾ.
Here by..taking screenshot of every account abusing me..age shaming me by calling“Aunty”..involving my family into this and I will file a case and take it to a point where you will regret getting to me without any legit reason..this is my final warning..
— Anasuya Bharadwaj (@anusuyakhasba) August 26, 2022
Dear Jaya.. agreed that the timing could be wrong.. but I am after all a human.. I reacted impulsively.. as all those abusive and harassed days and nights of me being abused just for putting my foot down on glorifying an abuse over mother outside the films.. flushed my memories.. https://t.co/TNnm7Yy4it
— Anasuya Bharadwaj (@anusuyakhasba) August 26, 2022
I am definitely not an aunty to any of you that are not related to me.. 25+ ayyi pillalu unte aunty entandi.. just because its your comfort doesn’t mean its right.. mari magavaallaki adey vartistunda andi?? Ante mari industry lo 25+ unnavaallandatini alage pilavacha?? 🤔 https://t.co/71wv0IGrBU
— Anasuya Bharadwaj (@anusuyakhasba) August 26, 2022
See.. ivi prema to pilichevi kaadu.. #AgeShaming ! I condemn it! I will not tolerate!#StopAgeShaming pic.twitter.com/z9bP5M1h2y
— Anasuya Bharadwaj (@anusuyakhasba) August 26, 2022
