മലയാളികളുടെ പ്രിയപ്പെട്ട നടനാണ് അനൂപ് മേനോന്. നിരവധി ചിത്രങ്ങളിലൂടെ തിളങ്ങി നില്ക്കുകയാണ് നടന്. അഭിനയം കൂടാതെ സംവിധായകനായും തിരക്കഥാകൃത്തായും ഗാനരചയിതാവായും തന്റെ കഴിവ് തെളിയിച്ചിട്ടുള്ള താരമാണ് അനൂപ്. മിനിസ്ക്രീന് പരമ്പരകളിലൂടെയാണ് നടന് തന്റെ കരിയര് ആരംഭിക്കുന്നത്. സ്വപ്നം മേഘം തുടങ്ങിയ സീരിയലുകളില് അനൂപിന്റെ വേഷം ശ്രദ്ധിക്കപ്പെട്ടു. 2002ല് കാട്ടു ചെമ്പകം എന്ന ചിത്രത്തിലൂടെയാണ് അനൂപ് ബിഗ്സ്ക്രീനില് എത്തുന്നത്. പിന്നീടങ്ങോട്ട് നിരവധി ചിത്രങ്ങളില് നടന് വേഷമിട്ടു.
ഇപ്പോള് അനൂപ് മേനോന്റെ ഫേസ്ബുക്ക് പേജ് ഹാക്ക് ചെയ്യപ്പെട്ട വിവരമാണ് പുറത്ത് എത്തിയിരിക്കുന്നത്. ഫിലിപ്പീന്സില് നിന്നാണ് ഹാക്കിങ് നടന്നിരിക്കുന്നതെന്ന് നടനോട് അടുത്തവൃത്തങ്ങള് പറഞ്ഞു. ഫെയ്സ്ബുക്ക് അധികൃതരെ ഇക്കാര്യം അറിയിച്ചിട്ടുണ്ടെന്നും രണ്ട് ദിവസങ്ങള്ക്കുള്ളില് പേജ് വീണ്ടെടുക്കാനാകുമെന്നും അവര് അറിയിച്ചിട്ടുണ്ട്.
ഏകദേശം 12 ലക്ഷത്തോളം ലൈക്സ് ഉള്ള പേജ് ഇപ്പോള് ഡി ആക്ടിവേറ്റ് ചെയ്തിരിക്കുകയാണ്. ഹാക്കര്മാര് അയച്ച മെസേജ് ക്ലിക്ക് ചെയ്തപ്പോളാണ് ഹാക്കിങ് നടന്നിരിക്കുന്നത്.