തെരഞ്ഞെടുപ്പ് സര്‍വേയില്‍ വിശ്വാസമില്ലെന്ന് നടനും യുഡിഎഫ് സ്ഥാനാര്‍ത്ഥിയുമായ ധര്‍മജന്‍ ബോള്‍ഗാട്ടി. ഈ നിയമസഭാ തെരഞ്ഞെടുപ്പില്‍ ബാലുശ്ശേരി മണ്ഡലത്തില്‍ നിന്നാണ് അദ്ദേഹം യുഡിഎഫ് സ്ഥാനാര്‍ത്ഥിയായി മത്സരിക്കുന്നത്. തെരഞ്ഞെടുപ്പില്‍ കാര്യങ്ങള്‍ തീരുമാനിക്കുനന്ത് ജനങ്ങളാണെന്നും അദ്ദേഹം പറഞ്ഞു.
കോമഡി ജീവിക്കാന്‍ വേണ്ടി ചെയ്യുമെങ്കിലും വെറും വാക്ക് ജീവിതത്തില്‍ പറയാറില്ലെന്നും അദ്ദേഹം പറഞ്ഞു. സെല്‍ഫിയെടുക്കാന്‍ വോട്ടര്‍മാരുടെയും കുട്ടികളുടെയും തിരക്കാണ് ധര്‍മജന്റെ പ്രചാരണ വേദികളില്‍ കാണാന്‍ കഴിയുന്നത്. കാറ്റ് ബാലുശ്ശേരിയില്‍ മാറി വീശി തുടങ്ങിയെന്നും താരപദവി പ്രചാരണത്തിന്റെ വേഗത കൂട്ടിയെന്നും അദ്ദേഹം പറഞ്ഞു. കൂടാതെ തന്‍റെ പ്രചാരണ ബോര്‍ഡുകള്‍ നശിപ്പിക്കുകയും കുളത്തിലെറിയുകയും ചെയ്‌തെന്നും അദ്ദേഹം പറഞ്ഞു
