ന്യൂഡല്ഹി. ശിവസേനയിലെ അധികാര തര്ക്കവും മഹാരാഷ്ട്രയിലെ സര്ക്കാര് രൂപികരണവുമായി ബന്ധപ്പെട്ട് വിവിധ ഹര്ജികള് ഹര്ജികള് ഭരണഘടനാ ബെഞ്ചിന് വിട്ട് സുപ്രീംകോടതി. ചീഫ് ജസ്റ്റിസ് എന്വി രമണ അധ്യക്ഷനായ മൂന്നംഗ ബെഞ്ചാണ് ഹര്ജികള് ഭരണഘടനാ ബെഞ്ചിന് വിട്ടത്.
വ്യാഴാഴ്ച ഹര്ജി ഭരണഘടനാ ബെഞ്ച് പരിഗണിക്കും. അതുവരെ യഥാര്ത്ഥ ശിവസേന തങ്ങളാണെന്ന് പ്രഖ്യാപിച്ച് ചിപ്നം അനുവദിക്കണമെന്നാവശ്യപ്പെട്ട് ഏക്നാഥ് ഷിന്ഡെ നല്കിയ അപേക്ഷയില് ഉത്തരവിറക്കരുതെന്ന് ചീഫ് ജസ്റ്റിസ് തിരഞ്ഞെടുപ്പ് കമ്മീഷനോട് നിര്ദേശിച്ചു.
സര്ക്കാരിന്റെ ഭൂരിപക്ഷം തെളിയിക്കാന് ആവശ്യപ്പെടാനുള്ള ഗവര്ണറുടെ അധികാരം, വിപ്പ് ലംഘിക്കുന്ന അംഗങ്ങള്ക്കെതിരെ നടപടി സ്വീകരിക്കാനുള്ള സ്പീക്കറുടെ അധികാരം തുടങ്ങിയ വിഷയങ്ങളാകും ഭരണഘടനാ ബെഞ്ച് പരിഗണിക്കുക.