ബാലതാരമായി സിനിമയിലെത്തിയ താരമാണ് പ്രയാഗ. പാവ, കട്ടപ്പനയിലെ ഋത്വിക് റോഷൻ, ഒരേ മുഖം, ഫുക്രി, പോക്കിരി സൈമൺ, രാമലീല, ബ്രദേഴ്‌സ് ഡേ തുടങ്ങിയ ചിത്രങ്ങളിലൂടെ മലയാളികൾ സുപരിചിതയായി പ്രയാഗ മാറി. പിസാസ് എന്ന തമിഴ് ചിത്രത്തിലൂടെ ശ്രദ്ധിയ്ക്കപ്പെട്ട ശേഷമാണ് മലയാളത്തിൽ പ്രയാഗ നായികയായി അരങ്ങേറിയത്. ഒരു മുറൈ വന്ത് പാർത്തായ എന്ന ചിത്രത്തിൽ ഉണ്ണി മുകുന്ദന്റെ നായികയായിട്ടായിരുന്നു തുടക്കം. മലയാളത്തിൽ നിന്നും അന്യഭാഷിലേക്കാണ് പ്രയാഗ ഇപ്പോൾ ശ്രദ്ധ കേന്ദ്രീകരിക്കുന്നത്.
സോഹൻ സീനുലാലിന്റെ ഡാൻസ് പാർട്ടി എന്ന സിനിമയാണ് അടുത്തതായി പ്രയാഗയുടെ വരാനുള്ളത്. 2 വർഷത്തിന് ശേഷം പ്രയാഗ നായികയായി അഭിനയിക്കുന്ന ചിത്രമാണ് ഇത്. ഇതിന്റെ പ്രൊമോഷന്റെ ഭാഗമായി പ്രയാഗ കഴിഞ്ഞ ദിവസം തൃശൂർ ശോഭ സിറ്റി മാളിൽ എത്തിയിരുന്നു. പൊതുവെ ഇപ്പോൾ ഹെയർ സ്റ്റൈലിലൊക്കെ ചേഞ്ച് വരുത്തിയാണ് പ്രയാഗയെ കാണാറുള്ളത്.
എന്നാൽ ഈ തവണ പ്രയാഗയുടെ വേറിട്ട വസ്ത്രധാരണമാണ് ആളുകളുടെ ശ്രദ്ധനേടിയത്. കീറിയ സ്റ്റൈൽ ജീൻസ് ധരിച്ച് ഫ്രീക്ക് ലുക്കിലാണ് പ്രയാഗ പരിപാടിയിൽ പങ്കെടുക്കാൻ എത്തിയത്. അതിന്റെ ഫോട്ടോസിനും വീഡിയോസിനും താഴെ രസകരമായ കമന്റുകൾ വരുന്നുണ്ട്. ഇതെന്തൊരു ഫാഷനെന്നാണ് സോഷ്യൽ മീഡിയ ചോദിക്കുന്നത്
