തിരുവനന്തപുരം: നിയമസഭാ തിരഞ്ഞെടുപ്പ് നടന്ന അഞ്ചില്‍ നാല് സംസ്ഥാനങ്ങളിലും മികച്ച വിജയം നേടിയ ബിജെപിയെ അഭിനന്ദിച്ച്‌ കോണ്‍ഗ്രസ് നേതാവ് ശശി തരൂര്‍. തന്റെ സഹപ്രവര്‍ത്തകന്‍ പറഞ്ഞതുപോലെ തോറ്റു എന്നാല്‍ പരാജയപ്പെട്ടിട്ടില്ലെന്ന് അഭിപ്രായപ്പെട്ട തരൂര്‍ കോണ്‍ഗ്രസിന്റെ മൂല്യങ്ങളും ബോദ്ധ്യങ്ങളും ആഴത്തില്‍ വേരൂന്നിയതാണെന്നും അത് നിലനില്‍ക്കുക തന്നെ ചെയ്യുമെന്നും അഭിപ്രായപ്പെട്ടു.
കോണ്‍ഗ്രസില്‍ നിലകൊള‌ളുന്ന ഇന്ത്യയുടെ ആശയവും അത് രാഷ്‌ട്രത്തിന് നല്‍കുന്ന പോസി‌റ്റീവ് ആയുള‌ള അജണ്ടയും വീണ്ടും ഉറപ്പിക്കാനും ആ ആശയങ്ങളെ വീണ്ടും ജ്വലിപ്പിക്കാനും കോണ്‍ഗ്രസിന്റെ സംഘടനാ നേതൃത്വത്തെ നവീകരിക്കണമെന്നാണ് ശശി തരൂര്‍ അഭിപ്രായപ്പെട്ടത്.
