മലയാളികളുടെ പ്രിയ താരകുടുംബമാണ് കുഞ്ചാക്കോ ബോബന്റേത്. ചോക്ലേറ്റ് ഹീറോയായെത്തിയ താരത്തിന് ആരാധകർ നിരവധിയാണ്. 2005ലായിരുന്നു പ്രിയയെ കുഞ്ചാക്കോ ബോബൻ വിവാഹം കഴിച്ചത്.14 വർഷത്തെ കാത്തിരിപ്പിന് ശേഷമാണ് കുഞ്ഞ് പിറന്നത്. ഇസഹാക്ക് എന്നാണ് കുഞ്ഞിന്റെ പേര്.ഇടയ്ക്കിടെ കുഞ്ഞിന്റെ രസകരമായ വിശേഷങ്ങളും കുഞ്ചാക്കോ ബോബൻ പങ്കുവെയ്ക്കാറുണ്ട്. മലയാളത്തിൽ നിന്ന് ചെറിയൊരു ഇടവേളയെടുത്ത താരം ഇടക്ക് ശക്തമായ തിരിച്ചുവരവ് നടത്തിയിരുന്നു.
കുഞ്ചാക്കോ ബോബനെതിരേ ആരോപണവുമായി അദ്ദേഹത്തിന്റേതായി പുറത്തിറങ്ങിയ ‘പദ്മിനി’ എന്ന സിനിമയുടെ നിർമാതാവ് രംഗത്തു വന്നിരുന്നു. 25 വർഷമായി സിനിമയിൽ തിളങ്ങി നിൽക്കുന്ന ചാക്കോച്ചനെതിരെ ആദ്യമായിട്ടായിരുന്നു ഒരു നിർമ്മാതാവ് പരാതിയുമായി എത്തിയത്.
പണം വാങ്ങിയിട്ട് സിനിമയുടെ പ്രൊമോഷൻ പരിപാടിയിൽ പങ്കെടുക്കാനെത്തിയില്ലെന്നായിരുന്നു പരാതി. ഇപ്പോഴിതാ ഈ വിഷയത്തിൽ പ്രതികരിച്ച് രംഗത്തെത്തിയിരിക്കുകയാണ് സംവിധായകൻ ശാന്തിവിള ദിനേശ്.
ഈ സിനിമയിൽ കുഞ്ചാക്കോ ബോബന്റെ ഭാര്യയ്ക്ക് എന്ത് സ്ഥാനം. നിങ്ങളുടെ ചിത്രത്തിന്റെ റോ ഫൂട്ടേജ് കൺസൾട്ടിങ് കമ്പനിക്ക് കാണാൻ കൊടുക്കാൻ അവർ പറഞ്ഞാല്, നീ നിന്റെ പണി നോക്കിയാൽ മതിയെന്നും ഭർത്താവിനും കുട്ടിക്കും ഭക്ഷണം ഉണ്ടാക്കിയിരുന്നാൽ പോരെയെന്ന് ചോദിക്കാമായിരുന്നുവെന്നും ശാന്തിവിള ദിനേശ് പറയുന്നു.
അവരോട് സിനിമയുടെ റോ ഫൂട്ടേജ് ആർക്ക് കൊടുക്കണമെന്ന കാര്യത്തിൽ ഇടപെടേണ്ടെന്ന് കുഞ്ചാക്കോ ബോബന് പറയാമായിരുന്നുവെന്നും സംവിധായകനും നിർമ്മാതാവിനും അത് പറയാന് ധൈര്യമുണ്ടായില്ലെന്നും ശാന്തിവിള ദിനേശ് പറയുന്നു.
