തിരുവനന്തപുരം. പാറശ്ശാല ഷാരോൺ രാജ് വധക്കേസിൽ പ്രതിയായ ഗ്രീഷ്മയുടെ അമ്മാവൻ നിര്മ്മൽ കുമാര് നായര്ക്ക് ജാമ്യം അനുവദിച്ച് കോടതി. കേസിലെ മൂന്നാം പ്രതിയായ നിര്മ്മൽ കുമാറിന് തിരുവനന്തപുരം ജില്ലാ സെഷൻസ് കോടതിയാണ് നിബന്ധനകളോടെ ജാമ്യം അനുവദിച്ചത്.
ആറുമാസത്തേക്ക് പാറശ്ശാല പോലീസ് സ്റ്റേഷൻ പരിധിയിൽ പ്രവേശിക്കരുത്. 50,000 രൂപ അല്ലെങ്കിൽ രണ്ട് ആൾ ജാമ്യം എന്നിവയാണ് ജാമ്യ വ്യവസ്ഥകൾ. തെളിവ് നശിപ്പിക്കാൻ ഗ്രീഷ്മയെ സഹായിച്ചു എന്നായിരുന്നു നിര്മ്മൽ കുമാറിനെതിരായുള്ള കുറ്റം. കേസിൽ ഗ്രീഷ്മയുടെ അമ്മയ്ക്ക് നേരത്തെ ഹൈക്കോടതിയും ജാമ്യം അനുവദിച്ചിരുന്നു. കഷായത്തിൽ വിഷം കലര്ത്തി ഷാരോണിനെ ഗ്രീഷ്മ കൊന്നുവെന്നാണ് ക്രൈം ബ്രാഞ്ച് നൽകിയിട്ടുള്ള കുറ്റപത്രം.