മലപ്പുറം : മംഗലാപുരം മെയിലിന് നേരെ കല്ലേറ്. കുറ്റിപ്പുറത്താണ് സംഭവം. സംഭവത്തിൽ ഒരാൾക്ക് പരിക്കേറ്റു. ചാവക്കാട് സ്വദേശി ഷറഫുദ്ദീനാണ് പരിക്കേറ്റത്. കുറ്റിപ്പുറം പൊലീസിലും, ആർപിഎഫിലും ഷറഫുദ്ദീൻ പരാതി നൽകി
ട്രെയിനിന് നേരെ ഉണ്ടായ ഇഷ്ടിക കൊണ്ടുള്ള ആക്രമണത്തിൽ ഷറഫുദ്ദീന്റെ വയറിന് പരിക്കേറ്റിരുന്നു. കുറ്റിപ്പുറത്ത് നിന്ന് ട്രെയിൻ അൽപ ദൂരം നീങ്ങിയപ്പോഴാണ് കല്ലേറ് ഉണ്ടായത്. ട്രെയിനിൽ തട്ടിയ ഇഷ്ടികയുടെ ഒരു ഭാഗം ഷറഫുദ്ദീന്റെ വയറിൽ പതിക്കുകയായിരുന്നു എന്നാണ് വിവരം.
പിന്നാലെ സാമൂഹിക വിരുദ്ധരുടെ ആക്രമണം, ഇയാൾ ഉടൻ പൊലീസിലും ആർപിഎഫ് ഉദ്യോഗസ്ഥരെയും വിളിച്ചറിയിച്ചു. ഷറഫുദ്ദീന്റെ പരാതിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിച്ചതായാണ് വിവരം.
