വിവാഹത്തിനു കാർമ്മികത്വം വഹിക്കാനെത്തിയ പൂജാരിയോടൊപ്പം വധു ഒളിച്ചോടി. വിവാഹം കഴിഞ്ഞ് രണ്ട് ആഴ്ച്ചക്ക് ശേഷമാണ് വിനോദ് മഹാരാജ എന്നയാൾക്കൊപ്പം 21കാരി ഒളിച്ചോടുന്നത്. മധ്യപ്രദേശിലെ ഭോപ്പാൽ ശിർനോജ് നഗരത്തിലാണ് സംഭവം നടന്നത്.
വിനോദ് മഹാരാജയാണ് യുവതിയുടെ വിവാഹത്തിന് മുഖ്യകാർമ്മികത്വം വഹിച്ചത്. വിവാഹം കഴിഞ്ഞ് വരന്റെ വീട്ടിലേക്ക് പോയ യുവതി ആചാരത്തിന്റെ ഭാഗമായി മൂന്നാം ദിവസം വീട്ടിൽ തിരിച്ചെത്തുകയായിരുന്നു. പിന്നീട് വരന്റെ വീട്ടിലേക്ക് തിരിച്ച് പോയ യുവതിയെ കാണാതാവുകയാണ് ഉണ്ടായത്.
മകളെ കാണാനില്ലെന്ന് കാണിച്ച് തുടർന്ന് യുവതിയുടെ വീട്ടുകാർ പൊലീസിൽ പരാതി നൽകി. അന്നേദിവസം ശിർനോജിൽ നടന്നൊരു വിവാഹത്തിൽ വിനോദ് കർമ്മികത്വം വഹിക്കാൻ എത്താതിരുന്നതിനെ തുടർന്ന് നാട്ടുകാർ നടത്തിയ അന്വേഷണത്തിൽ ആണ് ഇരുവരും ഒളിച്ചോടിയ സംഭവം പുറംലോത്ത് എത്തുന്നത്.
കഴിഞ്ഞ ഏതാനം വർഷങ്ങളായി യുവതിയും വിനോദും തമ്മിൽ പ്രണയത്തിൽ ആയിരുന്നു. ഒന്നര ലക്ഷം രൂപ വിലമതിക്കുന്ന സ്വർണ്ണവും 3 ലക്ഷം രൂപയും എടുത്താണ് യുവതി വിനോദിനൊപ്പം പോവുന്നത്. അതേ സമയം വിനോദ് വിവാഹിതൻ ആണെന്നും അയാൾക്ക് രണ്ട് കുട്ടികളുമുണ്ടെന്നാണ് വിവരം.
എന്നാൽ വിനോദിന്റെ കുടുംബത്തിനെ കുറച്ച് ദിവസമായി കാണാനില്ല. അതേ സമയം വരന്റെ വീട്ടുകാരും പോലീസിൽ പരാതി നൽകിയിട്ടുണ്ട്. ഭീമമായ തുക നഷ്ടപരിഹാരം ആവശ്യപെട്ടാണ് വരന്റെ വീട്ടുകാർ കേസു കൊടുത്തിരിക്കുന്നത്.
