അബുദാബി: രണ്ടാം തവണയും യുഎഇയിലെ മലയാളിക്ക് കോടികളുടെ ഭാഗ്യം. മലപ്പുറം വളാഞ്ചേരി കരേക്കാട് സ്വദേശി കണ്ണങ്കടവത്ത് സൈദാലിയാണ് ആ ഭാഗ്യവാന്. ബിഗ് ടിക്കറ്റ് വാരാന്ത്യ നറുക്കെടുപ്പില് ഒരു കോടി രൂപ (5 ലക്ഷം ദിര്ഹം)യാണ് സൈദാലിയെ തേടിയെത്തിയത്. സുഹൃത്തുക്കളും സഹപ്രവര്ത്തകരുമായ മറ്റ് ഒമ്പത് പേര് ചേര്ന്നെടുത്ത ടിക്കറ്റിനാണ് സമ്മാനം. കൂട്ടത്തില് ഒരു പാക്കിസ്ഥാനിയും ഒരു ബംഗാളിയുമുണ്ട്.
30 വര്ഷമായി സൈദാലി അബുദാബിയില് ഒരു അറബിയുടെ വീട്ടില് പാചകക്കാരനായി ജോലി ചെയ്ത് വരകിയാണ്. 1998ല് 15 പേര് ചേര്ന്ന് ഒടുത്ത ടിക്കറ്റിലൂടെയായിരുന്നു ആദ്യം ഭാഗ്യം സൈദാലിയെ തേടി എത്തിയത്. അന്നത്തെ സമ്മാനത്തുകകൊണ്ട് സൈദാലി അടക്കം 13 പേരും വീടുവച്ചു.
ഇത്തവണ 25, 50, 100 ദിര്ഹം വീതം 10 പേര് ചേര്ന്നാണ് ടിക്കറ്റ് എടുത്തത്. സമ്മാനത്തുക ആനുപാതികമായി വീതിക്കും. ജോലിയില് തുടരുമെന്നും നാട്ടില് തിരിച്ചെത്തുമ്പോള് എന്തെങ്കിലും ബിസിനസ് ചെയ്യണമെന്നുമാണ് ആഗ്രഹമെന്നും സൈദാലി പറഞ്ഞു.