ഭഗവാൻ കൃഷ്ണനും രുക്മിണിയും തമ്മിലുള്ള ബന്ധത്തേ ലൗ ജിഹാദ് എന്ന് പരിഹസിച്ച് അസം പ്രദേശ് കോൺഗ്രസ് അധ്യക്ഷൻ ഭൂപൻ കുമാർ ബോറ. സംഭവത്തിൽ കർശന നടപടി എടുക്കുമെന്ന് അസം സർക്കാർ.അസം പ്രദേശ് കോൺഗ്രസ് അധ്യക്ഷൻ ഭൂപൻ കുമാർ ബോറയുടെ ‘ലവ് ജിഹാദ്’ എന്ന് വിളിക്കുന്നത് ദൗർഭാഗ്യകരമാണെന്നും പരാതി നൽകിയാൽ സർക്കാർ അദ്ദേഹത്തിനെതിരെ നടപടിയെടുക്കുമെന്നും അസം മുഖ്യമന്ത്രി ഹിമന്ത ബിശ്വ ശർമ പറഞ്ഞു.
അസമിലെ ഗോലാഘട്ടിൽ അടുത്തിടെ നടന്ന ട്രിപ്പിൾ കൊലപാതകം “ലവ് ജിഹാദ്” ആണെന്ന മുഖ്യമന്ത്രിയുടെ അഭിപ്രായത്തോട് പ്രതികരിച്ചുകൊണ്ട് ബോറ ഭഗവാൻ ശ്രീകൃഷ്ണനെ ലൗ ജിഹാദുമായി ബന്ധപ്പെടുത്തി പരിഹസിക്കുകയായിരുന്നു. ഹിന്ദു സ്ത്രീകളെ വശീകരിച്ച് മുസ്ലീം പുരുഷന്മാർ മതപരിവർത്തനം നടത്തുന്നുവെന്ന് ആരോപിച്ച് വലതുപക്ഷ രാഷ്ട്രീയക്കാർ പലപ്പോഴും ഉപയോഗിക്കുന്ന പദമാണിത് എന്നായിരുന്നു കോൺഗ്രസ് നേതാവ് പറഞ്ഞത്. ഇത് അംഗീകരിക്കാൻ ആകില്ലെന്നും പറഞ്ഞിരുന്നു.തുടർന്ന് മഹാഭാരത ഇതിഹാസത്തിലെ ശ്രീകൃഷ്ണന്റെയും രുക്മിണിയുടെയും, ധൃതരാഷ്ട്രരുടെയും ഗാന്ധാരിയുടെയും വിവാഹങ്ങളെ “ലൗ ജിഹാദ്” എന്ന് വിളിക്കുകയും ചെയ്തു.
വിവാദ പരാമർശം ഇങ്ങിനെ ആയിരുന്നു. “മഹാഭാരതംരാജാക്കന്മാർക്കിടയിൽ പോലും ക്രോസ് വിവാഹങ്ങൾ നടക്കുന്നുണ്ട്. മഹാഭാരതത്തിലെ പ്രധാന കഥ, ഗാന്ധാരിയുടെ കുടുംബം അവൾ ധൃതരാഷ്ട്രനെ വിവാഹം കഴിക്കാൻ ആഗ്രഹിച്ചില്ല എന്നതാണ്. ഭീഷ്മ പിതാമഹൻ അവർക്കിടയിൽ വിവാഹത്തിന് നിർബന്ധിതനായി. ശകുനിയുടെ സഹോദരൻ തടവിലാക്കപ്പെട്ടു. പിന്നീട് അമ്മ പ്രതികാരം ചെയ്തു, അതും ലൗ ജിഹാദ്.ഗാന്ധാരിയുടെ വീട്ടുകാർ എതിർത്തു, അതിനാൽ അവൾ അവളുടെ കണ്ണിൽ ഒരു തുണി ധരിച്ചു. കൃഷ്ണൻ രുക്മിണിയെ കൊണ്ടുപോകാൻ വന്നപ്പോൾ അർജുൻ മറ്റൊരു വേഷത്തിലാണ് വന്നത്,“ ബോറ പറഞ്ഞു.
കൃഷ്ണനെ വിഷയത്തിലേക്ക് വലിച്ചിഴച്ച കോൺഗ്രസ് നേതാവിനെ അസം മുഖ്യമന്ത്രി ഹിമന്ത ബിശ്വ ശർമ്മ അപലപിച്ചു. “ഇത് സനാതന ധർമ്മത്തിന് എതിരാണ്, ഇത് ഹിന്ദു ധർമ്മത്തിന് എതിരാണ്,” അദ്ദേഹം പറഞ്ഞു, “നമ്മൾ ഹജ്രത്ത് മുഹമ്മദിനെയോ യേശുക്രിസ്തുവിനെയോ” ഒരു മത വിവാദത്തിലേക്ക് വലിച്ചിഴയ്ക്കരുത് .ഭഗവാൻ കൃഷ്ണൻ രുക്മിണിയോട് അവളുടെ മതം മാറാൻ പറഞ്ഞിട്ടില്ല. ആരെങ്കിലും കേസെടുത്താൽ ഇത്തരം അപവാദം പ്രചരിപ്പിക്കുന്നവരെ അറസ്റ്റ് ചെയ്യേണ്ടി വരും എന്നും മുഖ്യമന്ത്രി സൂചിപ്പിച്ചു
