മുംബൈ : മുംബൈ വിമാനത്താവളത്തിൽ ഇൻഡിഗോ വിമാനം തകർക്കുമെന്ന് ബോംബ് ഭീഷണി. വിമാനം 6E-5188, ചെന്നൈയിൽ നിന്ന് മുംബൈയിലെത്തിയത്. ലാൻഡിംഗിന് 40 കിലോ മീറ്റർ മുമ്പാണ് ട്രാഫിക് കൺട്രോളിൽ ഭീഷണി സന്ദേശമെത്തിയത്. ഭീഷണിയുടെ ഉറവിടം എവിടെയെന്ന് അറിയില്ല.
വാർത്താകുറിപ്പിൽ ഭീഷണിയുടെ കാര്യം ഇൻഡിഗോ സ്ഥിരീകരിച്ചിട്ടുണ്ട്. യാത്രക്കാരുടെ സുരക്ഷ ഉറപ്പാക്കിയിട്ടുണ്ടെന്നും എല്ലാ പ്രോട്ടോകോളും പാലിച്ചിട്ടുണ്ടെന്നും അവർ വ്യക്തമാക്കി. സുരക്ഷ പരിശോധനകളെല്ലാം പൂർത്തിയാക്കിയെന്നും അവർ വ്യക്തമാക്കി. അന്വേഷണം പുരോഗമിക്കുന്നതായി അധികൃതർ അറിയിച്ചു.