വിത്യസ്തമായ ശൈലിയിലൂടെ മലയാളി പ്രേക്ഷകരുടെ മനസ്സിൽ ഇടം നേടിയ താരമാണ് ചന്ദ്ര ലക്ഷ്മൺ. പൃഥ്വിയുടെ നായികയായിട്ടായിരുന്നു ആദ്യമായി താരം പ്രേക്ഷകർക്ക് മുന്നിലെത്തിയത്. സ്വന്തം എന്ന സീരിയലിലെ സാന്ദ്ര നെല്ലിക്കാടനെ അവതരിപ്പിച്ചു കൊണ്ടാണ് സീരിയൽ പ്രേമികളുടെ മനസ്സിലേക്ക് താരം കുടിയേറുന്നത്. വില്ലത്തിയായിട്ടാണ് താരം സ്‌ക്രീനിൽ നിറഞ്ഞതെങ്കിലും സ്വന്തം വീട്ടിലെ താരമായിട്ടാണ് ചന്ദ്രയെ പ്രേക്ഷകർ അംഗീകരിച്ചിട്ടുള്ളത്. ഇടക്ക് ഇടവേളയെടുത്തെങ്കിലും ഇപ്പോൾ താരം മടങ്ങിയെത്തിയിട്ടുണ്ട്.
ഇപ്പോളിതാ പ്രണയത്തെക്കുറിച്ചും വിവാഹത്തെക്കുറിച്ചും താരം പറഞ്ഞ കാര്യങ്ങൾ വീണ്ടും സോഷ്യൽ മീഡിയയിൽ വൈറലാകുന്നു. എന്നാണ് കല്യാണം എന്ന ചോദ്യം കേട്ട് ഞാൻ മടുത്തു.കല്യാണം കഴിയാത്ത ഞാൻ കല്യാണം കഴിച്ച് അമേരിക്കയിൽ സെറ്റിലായി എന്ന വാർത്ത വന്നത് അടുത്തിടെയാണ്.അതു കണ്ട് ഞാനും അപ്പയും അമ്മയുമൊക്കെ ഒരുപാട് ചിരിച്ചു.കല്യാണം എന്ന് പറയുന്നത് എടുത്ത് ചാടി ചെയ്യേണ്ട ഒരു കാര്യമല്ല.ഇത്രയും കാലമായി കല്യാണം കഴിക്കാത്തത് പ്രേമനൈരാശ്യം കാരണമാണോ എന്ന് ചോദിച്ചാൽ അല്ല എന്നാണ് ഉത്തരം.
ഞാൻ ഒരു അവശ കാമുകിയൊന്നുമല്ല.പ്രേമമൊക്കെ ഉണ്ടായിട്ടുണ്ട്.പക്ഷേ നൈരാശ്യമൊന്നും ഉണ്ടായിട്ടില്ല.എന്റെ നല്ല സുഹൃത്തുക്കൾ തന്നെ പിന്നീട് കാമുകന്മാരായിട്ടുണ്ട്.പ്രണയം മുന്നോട്ട് കൊണ്ട് പോകാന് പറ്റില്ലെന്ന അവസ്ഥയിൽ ഞങ്ങൽ കൈ കൊടുത്ത് പിരിഞ്ഞവരാണ്
