കണ്ടല സഹകരണ ബാങ്കില് ഇ ഡി റെയ്ഡ്. ഇന്ന് പുലര്ച്ചയാണ് ഇഡി സംഘം റെയ്ഡിനായി എത്തിയത്. നാല് വാഹനങ്ങളില് ആയാണ് ഇഡി സംഘം എത്തിയത്. 137 കോടി രൂപയുടെ ക്രമക്കേടാണ് കണ്ടല ബാങ്കില് കണ്ടെത്തിയത്. കരിവന്നൂരിനെ വെട്ടുന്ന തട്ടിപ്പാണ് ഇവിടെ നടന്നിരിക്കുന്നത്. പണം പോയ വഴിയേതാണെന്നു പോലും അറിയില്ല.
കഴിഞ്ഞ 30 വര്ഷത്തിലേറെയായി സിപിഐ നേതാവായ എന് ഭാസുരാംഗനാണ ബാങ്ക് പ്രസിഡണ്ട്. ഈയിടെയാണ് ഭരണ സമിതി രാജിവെച്ചത്. എന് ഭാസുരാംഗനാണ് തട്ടിപ്പിനു പിന്നിലെന്നാണ് പ്രദേശ വാസികളുടെ ആരോപണം. നിലവില് അഡ്മിനിസട്രേറ്റീവ് ഭരണമാണ് നടക്കുന്നത്. എന് ഭാസുരാംഗന് നേരത്തെ ക്ഷീരയിലും അഴിമതി നടത്തിയിരുന്നു. ക്ഷീര പ്ലാന്റ് ഇപ്പോള് പ്രവര്ത്തിക്കുന്നില്ല. നിലവില് മില്മ തെക്കന് മേഖല അഡ്മിനിസ്ട്രേറ്ററാണ് സിപിഐ നേതാവായ ഭാസുരാംഗന്. ക്രമക്കേടില് ഈ ഡി നേരത്തെ സഹകരണവകുപ്പിന്റെ പരിശോധന റിപ്പോര്ട്ട് വാങ്ങിയിരുന്നു. നൂറുകണക്കിന് ആളുകളാണ് നിക്ഷേപം തിരിച്ചുകിട്ടാതെ കഷ്ടപ്പെട്ടത്.