ഇൻഡോർ: ഭര്ത്താവ് തന്നെ മേലുദ്യോഗസ്ഥനൊപ്പം കിടക്ക പങ്കിടാൻ നിര്‍ബന്ധിച്ചെന്ന് യുവതിയുടെ പരാതി.
ഇൻഡോർ സ്വദേശിനിയായ യുവതിയാണ് പൂനെ സ്വദേശിയായ ഭ‍ര്‍ത്താവിനെതിരെ കോടതിയിൽ പരാതി നൽകിയത്. പെട്ടെന്ന് സ്ഥാനക്കയറ്റവും ശമ്പള വ‍ര്‍ധനയും ലഭിക്കാനായാണ് ഭർത്താവ് തന്നെ മേലുദ്യോഗസ്ഥനൊപ്പം കിടക്ക പങ്കിടാൻ നിർബന്ധിക്കുന്നതെന്നും പരാതിയിൽ പറയുന്നു.
യുവതിയുടെ പരാതി സ്വീകരിച്ച കോടതി അന്വേഷണത്തിന് ഉത്തരവിടുകയും പിന്നാലെ കേസെടുക്കാൻ നി‍ര്‍ദേശിക്കുകയും ചെയ്തു. ഭര്ത്താവ് വിവാഹത്തിന് ശേഷം പലപ്പോഴായി പലരുമായും ലൈംഗിക ബന്ധത്തിൽ ഏര്‍പ്പെടാൻ തന്നെ നിര്‍ബന്ധിച്ചിരുന്നതായും യുവതി പരാതിയിൽ പറയുന്നു.
ഇതിന് പുറമെ ഭര്‍തൃ സഹോദരൻ മോശമായി പെരുമാറി. ഇയാൾ പലപ്പോഴും എന്നെ മോശമായ രീതിയിൽ സമീപിച്ചുവെന്നും യുവതി പരാതിപ്പെട്ടു. സ്വന്തം മകളുടെ മുന്നിൽ വച്ചു പോലും ഉപദ്രവം ഉണ്ടായിരുന്നതായി യുവതി പറയുന്നു.
