ഐഡിയ സ്റ്റാർ സിംഗർ സീസൺ നാലിന്റെ വേദിയിൽ നിന്ന് മറക്കുമോ നീയെന്റെ മൗനഗാനം എന്ന പാട്ട് മനോഹരമായി പാടിയ ഷിബു എന്ന മത്സരാർത്ഥിയ ഓർക്കുന്ന ചിലരെങ്കിലും ഇപ്പോഴും ഉണ്ടാവും. ഒരുപാട് സ്വപ്നങ്ങളുമായി എത്തിയ ഷിബുവിന്റെ ഇപ്പോഴത്തെ ജീവിതം സങ്കടകരമാണ്. പതിനൊന്ന് വർഷമായി തളർന്നിരിക്കുകയാണ് ഷിബു.
പാടാനും നടക്കാനും പറ്റാത്ത അവസ്ഥ. പക്ഷാഘാതം ഷിബുവിന്റെ ജീവിതം മാറ്റിമറിച്ചുകളഞ്ഞു. ദുരിത ജീവിതത്തിനിടയിലും എന്നെങ്കിലും ഒരിക്കൽ പഴയത് പോലെ പാടാൻ കഴിയുമായിരിക്കും എന്ന പ്രതീക്ഷയിലാണ് ഷിബു.ഇപ്പോഴിതാ ഫ്ലവേഴ്സ് ഒരു കോടി വേദിയിൽ പങ്കെടുക്കാൻ എത്തിയപ്പോൾ മനസ്സ് തുറന്നിരിക്കുകയാണ് അദ്ദേഹം.
ശാരീരിക പ്രശ്നങ്ങൾ കൊണ്ടാണ് സ്റ്റാർ സിംഗർ പാതി വഴിയിൽ ഷിബു ഉപേക്ഷിച്ചത്. ഭാര്യ ഉപേക്ഷിച്ചു പോയി, രോഗദുരിതകൾ തളർത്തുമ്പോഴും സംഗീതത്തയോടുള്ള ഇഷ്ടം ഷിബു ഉപേക്ഷിച്ചില്ല. മൂന്നുമാസം ആശുപത്രിയിൽ കിടന്ന ഷിബു പിന്നെ ഒരിക്കലും സംഗീത ലോകത്തക്ക് തിരിച്ചെത്തിയിട്ടില്ല. ഇപ്പോൾ പാടാൻ ശ്രമിക്കുമ്പോൾ ശ്വാസം മുട്ടൽ ആണെന്ന് പറയുകയാണ് ഷിബു. പാടാനും നടക്കാനും പറ്റാത്ത അവസ്ഥയിൽ ആണ് ഇന്ന് ഷിബു. പക്ഷാഘാതം ആണ് ഷിബുവിന്റെ ജീവിതം മാറ്റിമറിച്ചത്. കാൽ മുതൽ തലവരെ ഒരു വശം മുഴുവൻ ഷിബുവിനെ തളർത്തികളഞ്ഞു. അന്നും ഇന്നും അമ്മയാണ് ഷിബുവിന് കൂട്ട്. അസുഖം വന്നതോടെ ഭാര്യ ഷിബുവിനെ ഉപേക്ഷിച്ചു പോയി.
കഴിഞ്ഞ ഫെബ്രുവരി വരെ നടന്നുപോകാൻ പറ്റുമായിരുന്നു, ഇപ്പോൾ അതിനും പറ്റുന്നില്ലെന്നാണ് ഷിബു പറയുന്നത്. കൊച്ചിനെ പഠിപ്പിക്കണമെന്നതാണ് വലിയ ആഗ്രഹം. അതിന് എന്റെ കയ്യിൽ പൈസയില്ല, പഴേത് പോലെ പാടണം എന്നും ആഗ്രഹമുണ്ട്. ഒരുപാട്ടിന്‌ ആയിരം രൂപ വച്ച് കിട്ടുന്ന ഒരു കാലം ഷിബുവിന് ഉണ്ടായിരുന്നു. അമ്മ കഷ്ടപ്പെട്ടാണ് വളർത്തിയത്. ഇന്നും ‘അമ്മയാണ് കഷ്ടപ്പെടുന്നത്. അഹ് ഓർത്താണ് ഷിബുവിന് സങ്കടം.ഒന്നും ഇല്ലാതെ ആയി എനിക്ക് എന്ന് ഒരു കോടിയിൽ പറയുമ്പോൾ അദ്ദേഹത്തിന്റെ ശബ്ദം ഇടറുന്നുണ്ട്. ഒരു മകൻ ഉണ്ട്. എട്ടുവയസായി. ബന്ധുവിനെ ആണ് വിവാഹം കഴിക്കുന്നത്. ഷിബുവിന്റെ എല്ലാ പരിമിതികളും അറിഞ്ഞാണ് വിവാഹം. എന്നാൽ പിന്നീട് ഷിബുവിന്റെ ജീവിതാവസ്ഥ മോശമായത് കാരണമാകും ഭാര്യ പോയതെന്നാണ് ഷിബു വിശ്വസിക്കുന്നത്. എങ്കിലും മകനും ഭാര്യയും തിരികെ എത്തും എന്ന പ്രതീക്ഷിയിൽ ആണ് ഷിബു.
