അജു വര്‍ഗീസ് പ്രധാന വേഷം ചെയ്ത ‘കേരള ക്രൈം ഫയല്‍’ എന്ന വെബ് സീരിസിന് ഹോട്ട്സ്റ്റാറില്‍ മികച്ച പ്രേക്ഷക പ്രതികരണമാണ് ലഭിക്കുന്നത്. സീരിസിന്റെ പ്രമോഷനുമായി ബന്ധപ്പെട്ട് അജു വര്‍ഗീസ് പങ്കുവച്ച ചില കാര്യങ്ങൾ സാമൂഹ്യ മാധ്യമങ്ങളിൽ ഇപ്പോൾ ശ്രദ്ധ നേടുകയാണ്. പ്രമോഷനായി നല്‍കിയ അഭിമുഖത്തിലാണ് അജു വര്‍ഗീസ് തന്റെ കുടുംബത്തെ കുറിച്ച് പറഞ്ഞത്. താന്‍ ഒരു ന്യൂജെന്‍ പിതാവല്ലെന്നാണ് അജു വര്‍ഗീസ് പറയുന്നത്.
മക്കൾ സ്വന്തമായി കാശ് സമ്പാദിച്ച് കഴിഞ്ഞാല്‍ അവന് പോകാം. എന്ത് വേണമെങ്കിലും ചെയ്യാം. ഇപ്പോള്‍ പലരും ലിബറലല്ലേ. ഞാന്‍ പക്ഷെ ലിബറലല്ല. പിള്ളാരോട് ഞാന്‍ അത്ര ഫ്രീയല്ലെന്നും അജു വര്‍ഗീസ് പറഞ്ഞിരിക്കുന്നു. മൂന്ന് ആണ്‍കുട്ടികളും ഒരു പെണ്‍കുട്ടിയുമാണ് അജു വര്‍ഗീസിനുള്ളത്.
‘ഞാന്‍ സ്ഫടികത്തിലെ അപ്പനാ… ഞാന്‍ ന്യൂജെന്‍ ഒന്നുമല്ല. ഞാന്‍ വളരെ സ്ട്രിക്ടാണ്. ഫാദര്‍ എന്ന നിലയില്‍ ഞാന്‍ വളരെ ചെറ്റയാണ്. ഞാന്‍ മക്കളോട് നന്നായി ചൂടാകും. പീഡിപ്പിക്കും എന്നല്ല അതിന് അര്‍ത്ഥം. പതിനെട്ട് വയസ് വരെ വഴക്ക് പറയും. ഇവാന്‍, ജൂവാന്‍, ജേക്ക്, ലൂക്ക് എന്നിങ്ങനെയാണ് അജുവിന്റെ മക്കളുടെ പേര്. 2014 ഫെബ്രുവരി 24 ന് കടവന്ത്ര എംകുളം പള്ളിയില്‍ വെച്ചായിരുന്നു അജു വര്‍ഗീസിന്റെയും അഗസ്റ്റീനയുടെയും വിവാഹം.
ഹോട്ട്സ്റ്റാറില്‍ സ്ട്രീം ചെയ്യുന്ന ആദ്യത്തെ മലയാളം വെബ് സീരിസ് കേരള ക്രൈം ഫയല്‍ ഷിജു, പാറയില്‍ വീട്, നീണ്ടകര ജൂണ്‍ 23 മുതലാണ് സ്ട്രീമിംഗ് ആരംഭിച്ചത്. ആറ് എപ്പിസോഡുകളുള്ള ഈ ക്രൈം ത്രില്ലര്‍ സംവിധാനം ചെയ്തിരിക്കുന്നത് ജൂണ്‍, മധുരം തുടങ്ങിയ ചിത്രങ്ങളിലൂടെ ശ്രദ്ധേയനായ അഹമ്മദ് കബീറാണ്.
