ഐഎസ്എല്ലില്‍ കേരളാ ബ്ലാസ്റ്റേഴ്സ് ഫൈനലില്‍. രണ്ടാം പാദ സെമിയില്‍ ജംഷഡ്പൂരിനെ സമനില വഴങ്ങിയതോടെയാണ് ബ്ലാസ്റ്റേഴ്സ് ഫൈനല്‍ ഉറപ്പിച്ചത്. നേരത്തെ ഒന്നാം പാദ സെമയില്‍ ബ്ലാസ്റ്റേഴ്സ് ജയിച്ചിരുന്നു. 2016ന് ശേഷം ആദ്യമായാണ് ബ്ലാസ്റ്റേഴ്സ് ഫൈനലില്‍ എത്തുന്നത്. ആദ്യ പാദ സെമിയിലെ ഒരു ഗോളിന്റെ വിജയമാണ് ബ്ലാസ്‌റ്റേഴ്‌സിന്റെ വിജയം ഉറപ്പിച്ചത്.
കളിയാരംഭിച്ച് 18-ാം മിനുറ്റില്‍ തന്നെ ഇന്നത്തെ മത്സരത്തില്‍ ബ്ലാസ്റ്റേഴ്സ് ആദ്യഗോള്‍ നേടി. അഡ്രിയാന്‍ ലൂണയായിരുന്നു ബ്ലാസ്‌റ്റേഴ്‌സിന്റെ സ്‌കോറര്‍. ആദ്യ പകുതി മുന്നിട്ടു നിന്ന ബ്ലാസ്റ്റേഴ്‌സിനെതിരെ ജംഷഡ്പൂര്‍ 50-ാം മിനുറ്റില്‍ ഗോള്‍ മടക്കി. ടീമിന്റെ പ്രതിരോധ നിരയുടെ കരുത്തിലായിരുന്നു ബ്ലാസ്റ്റേഴ്സ് മത്സരത്തില്‍ സമനിലയിലും ഇരുപാദങ്ങളിലുമായി വിജയവും നേടിയെടുത്തത്. എടികെ- ഹൈദരാബാദ് മത്സരത്തിലെ വിജയികളെയാവും ബ്ലാസ്റ്റേഴ്സ് ഫൈനലില്‍ നേരിടുക.
