മലയാളികളുടെ പ്രിയപ്പെട്ട അവതാരകയാണ് ലക്ഷ്മി നക്ഷത്ര. സോഷ്യല് മീഡിയയിലും സജീവമാണ് താരം. യൂട്യൂബ് ചാനലിലൂടെയും ലക്ഷ്മി വിശേഷങ്ങള് പങ്കുവെച്ച് രംഗത്ത് എത്താറുണ്ട്. നേരത്തെ തന്റെ ആരാധികയായ സന മോളെ പരിചയപ്പെടുത്തിയ ലക്ഷ്മി പങ്കുവെച്ച വീഡിയോ വൈറലായിരുന്നു. ഡൗണ് സിന്ഡ്രോമാണ് സന മോള്ക്ക്. ഷോ നടക്കുന്നതിനിടയിലായിരുന്നു സന മോള് വിളിച്ചത്. തൃശ്ശൂരില് തന്നെയാണെന്ന് അറിഞ്ഞതോടെയാണ് ലക്ഷ്മി സനമോളെ കാണാന് പോയത്. എന്റെ മോളോടൊപ്പം ഈ ക്രിസ്മസ് എന്ന് പറഞ്ഞായിരുന്നു ലക്ഷ്മി വീഡിയോ പോസ്റ്റ് ചെയ്തത്.
തന്റെ ബസ്റ്റ്ഫ്രണ്ടാണ് ലക്ഷ്മി എന്നാണ് സന എല്ലാവരോടും പറയുന്നതെന്ന് ലക്ഷ്മി പറഞ്ഞിരുന്നു. കേറിവാടീയെന്ന് പറഞ്ഞായിരുന്നു സന ലക്ഷ്മിയെ സ്വീകരിച്ചത്. ചേച്ചി എന്ന് വിളിക്കാന് പറഞ്ഞപ്പോള് ഞങ്ങള് ബെസ്റ്റ് ഫ്രണ്ട്സാണെന്നായിരുന്നു സന പറഞ്ഞത്. സ്റ്റാര് മാജിക്കില് ഞാന് വരുന്നുണ്ട്, ഗെയിം കളിക്കും എന്ന് പറഞ്ഞപ്പോള് ആരാണ് കൊണ്ടുപോവുകയെന്ന് ചോദിച്ചപ്പോള് ലക്ഷ്മിയെന്നായിരുന്നു പറഞ്ഞത്.
ഇങ്ങനൊരു മോള് ഉള്ളതുകൊണ്ട് ഞങ്ങളുടെ കൂടപ്പിറപ്പാണ് എന്ന് പറയാന് നാണക്കേടാണെന്ന് എന്നോട് കസിന്സ് വരെ പറഞ്ഞിട്ടുണ്ടെന്നായിരുന്നു സനയുടെ അമ്മ പറഞ്ഞത്. അനൂപിനെ കാണുമ്പോള് അമ്മയുടെ സഹോദരനെപ്പോലെയായാണ് തോന്നുന്നതെന്നും സനയുടെ അമ്മ പറഞ്ഞിരുന്നു. അമ്മ കരയണ്ടയെന്നായിരുന്നു സന പറഞ്ഞത്. ഒരാളെ ജീവിതത്തിലേക്ക് കൈപിടിച്ച് കൊണ്ടുവരാന് കഴിഞ്ഞാല് അതില്പ്പരം വേറൊന്നും വേണ്ടെന്ന് പറഞ്ഞ് വികാരഭരിതയാവുകയായിരുന്നു ലക്ഷ്മി. നിന്നെപ്പോലൊരു മകള് എനിക്കുണ്ടെന്നായിരുന്നു ബിനു അടിമാലി സനയോട് പറഞ്ഞത്. സനയുടെ വിശേഷങ്ങള് കേട്ട് താരങ്ങളുടെയെല്ലാം കണ്ണുനനയുന്നതുമാണ് ചാനല് പുറത്തുവിട്ട പ്രമോ വീഡിയോയിലുള്ളത്.