മലയാളികളുടെ പ്രിയപ്പെട്ട താരകുടുംബമാണ് മല്ലിക സുകുമാരന്റേത്. അച്ഛന്റെയും അമ്മയുടെയും സിനിമ പാരമ്പര്യം കുടുംബത്തില് എല്ലാവര്ക്കും തന്നെയുണ്ട്. മക്കളായ ഇന്ദ്രജിത്തും പൃഥ്വിരാജും തിളങ്ങി നില്ക്കുകയാണ്. മരുമക്കളായ പൂര്ണിമയും സുപ്രിയയും സിനിമയുമായി അടുത്ത് നില്ക്കുകയാണ്. പൂര്ണിമ അഭിനേതാവാണെങ്കില് സുപ്രിയ നിര്മ്മാതാവ് കുപ്പായമാണ് അണിഞ്ഞിരിക്കുന്നത്.
മല്ലിക സുകുമാരനും സിനിമകളില് ഏറെ സജീവമാണ്. ഒരു കാലത്ത് മലയാള സിനിമയിലെ താര സാന്നിധ്യമായിരുന്നു സുകുമാരന്. അകാലത്തില് അദ്ദേഹം വേര് പിരിഞ്ഞെങ്കിലും കുടുംബത്തെ ഒറ്റക്ക് പിടിച്ചു നിര്ത്തിയത് മല്ലികയായിരുന്നു. പലപ്പോഴും സുകുമാരനെ കുറിച്ച് വികാരതീതയായി മല്ലിക സംസാരിച്ചിട്ടുണ്ട്. ദൈവം തന്ന വരദാനമാണ് സുകുമാരന്. അദ്ദേഹം മരിച്ചപ്പോള് ഒരുപാടാളുകള് വീണ്ടും വിവാഹം കഴിക്കാന് നിര്ബന്ധിച്ചിട്ടുണ്ടെന്നും മല്ലിക വെളിപ്പെടുത്തിയിട്ടുണ്ട്.
‘ദൈവം തന്ന വരദാനമാണ് സുകുമാരന്. അദ്ദേഹം മരിച്ചപ്പോള് ഒരുപാടാളുകള് വീണ്ടും വിവാഹം കഴിക്കാന് നിര്ബന്ധിച്ചി’ട്ടുണ്ടെന്നും മല്ലിക മുമ്പ് വെളിപ്പെടുത്തിയിട്ടുണ്ട്. മല്ലിക ഭര്ത്താവ് സുകുമാരനൊപ്പമുള്ള രസകരമായ അനുഭവത്തെ കുറിച്ച് വെളിപ്പെടുത്തിയിരിക്കുകയാണ് ഇപ്പോള്. ഒരിക്കല് സുകുമാരന് ചേട്ടനൊപ്പം പുറത്ത് പോകാന് ഒരുങ്ങി ഇറങ്ങിയതായിരുന്നു. അപ്പോഴാണ് സാരി ചെറുതായി കീറിതായി കണ്ടത്. ഡ്രെസ് തേച്ചപ്പോള് സംഭവിച്ചതായിരിക്കണം. സഹായത്തിന് നില്ക്കുന്ന കുട്ടിയാണ് കീറല് കാണിച്ച് തന്നത്.’
‘അപ്പോഴേക്കും സുകുമാരന് ചേട്ടന് കാറില് കയറി ഇരുന്നിരുന്നു. സാരി മാറിയിട്ട് വരാം രണ്ട് മിനിറ്റ് തരൂവെന്ന് പറഞ്ഞപ്പോള് വളരെ രസകരമായ മറുപടിയാണ് അദ്ദേഹം പറഞ്ഞത്. നിന്റെ സാരിയിലെ കീറല് കണ്ട് ആരും സുകുമാരന്റെ ഭാര്യയ്ക്ക് നല്ല സാരിയില്ലെന്ന് കരുതില്ല. അയ്യോ… പാവം സാരി കീറിയത് മല്ലിക ചേച്ചി കണ്ടില്ലെന്ന് തോന്നുന്നു എന്നെ പറയൂ…. എന്നാണ് അദ്ദേഹം പറഞ്ഞത്. അവസാനം സാരി മാറാന് അദ്ദേഹം സമ്മതിക്കാത്തിനാല് ആ കീറിയ സാരിയുടുത്താണ് പോയത്…’ മല്ലികാ സുകുമാരന് പറയുന്നു