പാലക്കാട്: പ്രായപൂർത്തിയാകാത്ത കുട്ടികളെ സ്കൂളിൽ പോകാൻ അനുവദിക്കാതെ വീട്ടുജോലിക്കായി നിർബന്ധിച്ചും, കട്ടിലിൽ കെട്ടിയിട്ട് മർദ്ദിച്ച സംഭവത്തിൽ കുട്ടിയുടെ മാതാവും കാമുകനു പിടിയിൽ. തൃത്താല കപ്പൂരിലാണ് സംഭവം.കുട്ടികളുടെ മാതാവായ പെരുമ്പിലാവ് സ്വദേശിനി ഹഫ്സ, മാതാവിന്‍റെ കാമുകൻ ചാലിശ്ശേരി കപ്പൂർ സ്വദേശി മുഹമ്മദ് ഷബീർ എന്നിവരെയാണ് ചാലിശ്ശേരി പോലീസ് പിടികൂടി അറസ്റ്റ് ചെയ്തത്. കുട്ടികളുടെ പരാതിയിൽ ജൂവനൈൽ ജസ്റ്റിസ് ആക്ട് പ്രകാരം ചാലിശ്ശേരി പോലീസ് കേസ് എടുത്തിരുന്നു.
ഇതിനെതിരെ പ്രതികരിക്കാൻ തുടങ്ങിയപ്പോൾ കുട്ടികളെ രണ്ടുപേരും ചേർന്ന് മർദ്ദിക്കുകയായിരുന്നു. കുട്ടികളുടെ ബന്ധുവായ സഹോദരിയുടെ സഹായത്തോടെയാണ് ചാലിശ്ശേരി പോലീസിനെ സമീപിച്ചത്.
പിന്നീട് പരാതിയുടെ അടിസ്ഥാനത്തിൽ കേസ് എടുക്കുകയായിരുന്നു. സ്റ്റേഷൻ ഹൗസ് ഓഫീസർ സതീഷ് കുമാറിന്‍റെ നേതൃത്വത്തിലുള്ള സംഘമാണ് രണ്ടു പ്രതികളെയും പിടികൂടി അറസ്റ്റ് ചെയ്തത്. ഇരുവരെയും പട്ടാമ്പി കോടതിയിൽ ഹാജരാക്കി.
