ചെന്നൈ. തമിഴ്നാട്ടിലും കേരളത്തിലും നടക്കുന്നത് കുടുംബ ഭരണമാണെന്ന് തമിഴ്നാട് ബിജെപി സംസ്ഥാന അധ്യക്ഷന് കെ അണ്ണാമലൈ. അഴിമതിയുടെ കാര്യത്തില് ഡിഎംകെയുടെ പാര്ട്ട് ബിയാണ് പിണറായി വിജയന് സര്ക്കാരെന്നും അദ്ദേഹം കുറ്റപ്പെടുത്തി. തമിഴ്നാട് രാഷ്ട്രീയത്തില് ഒരു ക്ലീന് പൊളിറ്റിക് സ് ആവശ്യമാണെന്നും വലിയ ഒരു മാറ്റം തമിഴ്നാട് രാഷ്ട്രീയത്തില് ഉണ്ടാകണമെന്നും അദ്ദേഹം പറഞ്ഞു.
തമിഴ്നാട്ടില് ഒരുമാറ്റം കൊണ്ടുവരണമെങ്കില് നരേന്ദ്രമോദിയെ കൊണ്ടും ബിജെപിയെ കൊണ്ടും മാത്രമെ സാധിക്കു. ജൂലായ് 28ന് എന് മണ് എന് മക്കള് എന്ന പേരില് പദയാത്ര സംഘടിപ്പിക്കുമെന്നും അദ്ദേഹം പറഞ്ഞു. തമിഴ്നാടിനെ അഴിമതി മുക്തമാക്കുവനാണ് ബിജെപി ശ്രമിക്കുന്നത്. ഇത് വലിയ യുദ്ധമാണെന്നും അത് ചെയ്യുവാന് തമിഴ്നാട് ബിജെപി തയ്യാറെടുത്തതായും അദ്ദേഹം വ്യക്തമാക്കി.
വിഭജിച്ച് ഭരിക്കുവനാണ് ഡിഎംകെ ശ്രമിക്കുന്നത്. അവര് ഏക സിവില് കോഡിനെ എതിര്ക്കുന്നു. ഏക സിവില് കോഡിന്റെ കരട് വിജ്ഞാപനം പുറത്ത് വരുന്നതോടെ അതെന്താണെന്ന് എല്ലാവര്ക്കും മനസ്സിലാകുമെന്ന് അദ്ദേഹം വ്യക്തമാക്കി.