പത്തനംതിട്ട. കെപിസിസി പ്രസിഡന്റും വിഡി സതീശനും സംയുക്തമായി നയിക്കുന്ന സമരാഗ്നി എന്ന പേരിലുള്ള സംസ്ഥാന തല ജാഥയ്ക്കിടെ കെ സുധാകരനെ പേര് മാറി വിളിച്ച് കോണ്‍ഗ്രസ് നേതാവ് ആന്റോ ആന്റണി. സമരാഗ്നി ജാഥയ്ക്ക് പത്തനംതിട്ടയില്‍ നല്‍കിയ സ്വീകരണത്തിനിടെയാണ് കെ സുധാകരനു പകരം കെ സുരേന്ദ്രനെ സ്വാഗതമരുളിയത്.
സ്വാഗതം ചെയ്തു കൊണ്ട് നടത്തിയ പ്രസംഗത്തില്‍ കെപിസിസി പ്രസിഡന്റ് എന്ന് പറഞ്ഞുവെങ്കിലും കെ സുധാകരന് പകരം കെ സുരേന്ദ്രന്‍ എന്നായിപ്പോകുകയായിരുന്നു. അതേസമയം അമളി മനസ്സിലാക്കിയ ആന്റോ ആന്റണി ഉടന്‍ തന്നെ തിരുത്തുകയും ചെയ്തു. സമരാഗ്നിയുടെ നായകന്‍ കേരള പ്രദേശ് കോണ്‍ഗ്രസ് കമ്മിറ്റിയുടെ അധ്യക്ഷന്‍ ബഹുമാന്യനായ കെ സുരേന്ദ്രന്‍ അവര്‍കളേ എന്നായിരുന്നു ആന്റോ ആന്റണിയുടെ വാക്കുകള്‍.
അമളി മനസ്സിലാക്കിയ ഉടന്‍ തന്നെ വേദിയിലേക്ക് തിരിഞ്ഞു നോക്കിയ ശേഷം കെ സുധാകരന് അവര്‍കളേ എന്ന് തിരുത്തുകയും ചെയ്തു. ജനുവരി 21ന് കാസര്‍കോട് നിന്നാണ് യാത്ര ആരംഭിച്ചത്. ജാഥ 140 മണ്ഡലങ്ങളിലും പര്യടനം നടത്തുന്നുണ്ട്.
