ആറ്റിങ്ങലില്‍ യുവാവിനെ സംഘം ചേര്‍ന്ന് വെട്ടിക്കൊലപ്പെടുത്തി. ക്രിമിനല്‍ കേസ് പ്രതിയായ ജോഷി (37) ആണ് കൊല്ലപ്പെട്ടത്. രാവിലെയോടെയായിരുന്നു സംഭവം. ആറ്റിങ്ങല്‍ കവലയൂര്‍ പാറയെകട ജംഗ്ഷനിലായിരുന്നു ജോഷിയെ ആക്രമിച്ചത്. കല്ലറ തോട്ടത്തിന് സമീപം വെച്ച് സംഘടിച്ചെത്തിയ അക്രമികള്‍ ബോംബെറിഞ്ഞ ശേഷം മാരകമായി വെട്ടി പരിക്കേല്‍പ്പിക്കുകയായിരുന്നു.
മരിച്ചുവെന്ന് ഉറപ്പാക്കിയ ശേഷമാണ് അക്രമികള്‍ മടങ്ങിയത്. ഗുരുതരമായി പരിക്കേറ്റ ജോഷിയെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനിയില്ല. കഞ്ചാവ് കച്ചവടത്തെ ചൊല്ലിയുണ്ടായ സംഘര്‍ഷമാണ് ആക്രമണത്തില്‍ കലാശിച്ചതെന്നാണ് വിവരം. സംഭവത്തില്‍ പോലീസ് അന്വേഷണം ആരംഭിച്ചു.
