മുംബൈ . ഐപിഎല്ലിൽ കൂറ്റൻ സ്റ്റോറുകൾ അടിച്ച് വാരിയ ക്രിക്കറ്റ് ഇതിഹാസം ക്രിസ് ഗെയിൽ ഇപ്പോൾ സംഗീത രംഗത്തും തന്റെ കഴിവ് തെളിയിച്ചിരിക്കുകയാണ്. ഇന്ത്യൻ സംഗീതഞ്ജൻ ആർക്കോ പ്രാവോ മുഖർജിക്കൊപ്പം ‘ഓ ഫാത്തിമ’ എന്ന സംഗീത ആൽബം ഹിറ്റായതോടെ സംഗീതത്തിലും സ്കോർ ചെയ്ത തിളങ്ങുകയാണ് താരം.
ഇനി ബോളിവുഡ് ആണ് ക്രിസ് ഗെയിൽ ലക്ഷ്യം വെക്കുന്നത്. അതും ദീപിക പദുക്കോണിനൊപ്പം അഭിനയിച്ച് കരിയർ ആരംഭിക്കണമെന്നാണ് ആഗ്രഹമെന്നാണ് ക്രിസ് ഗെയിൽ നടത്തിയിരിക്കുന്ന വെളിപ്പെടുത്തൽ. ഇന്ത്യൻ സംഗീതവും ജമൈക്കൻ സംഗീതവും കൂടിച്ചേരുന്നതാണ് ‘ഓ ഫാത്തിമ’ എന്ന സംഗീത വിഡിയോ ആൽബം.
ആൽബത്തിന്റെ രചനയും സംഗീതവും ക്രിസ് ഗെയിലും ആർക്കോ പ്രാവോ മുഖർജിയും ചേർന്നാണ് ഒരുക്കിയിട്ടുള്ളത്. ‘ഇന്ത്യയിലും ഐപിഎല്ലിലുമുള്ള എന്റെ ജീവിതം അവിസ്മരണീയമാണ്, സംഗീതത്തോടുള്ള ഇഷ്‌ടം ‘ഓ ഫാത്തിമ’ എന്ന സംഗീത ആൽബത്തിലൂടെ സാധ്യമായി. മികച്ച ഗാനം, മികച്ച ലൊക്കേഷനുകൾ, മികച്ച പങ്കാളിത്തം’ ക്രിസ് ഗെയിൽ പറഞ്ഞിരിക്കുന്നു. ‘ഭാവിയിൽ ബോളിവുഡിൽ സംഗീത ആൽബം ചെയ്‌താൽ ദീപിക പദുക്കോണിനൊപ്പം അഭിനയിക്കാൻ ഞാൻ ആഗ്രഹിക്കുന്നു’. ക്രീസിൽ നിന്ന് ഒരു സിക്‌സ് അടിക്കുന്നത് പോലെ എളുപ്പമാകുമോ എന്നറിയില്ല, അത് കാലം പറയട്ടെ എന്നാണ് ക്രിസ് ഗെയിൽ പറഞ്ഞിട്ടുള്ളത്.
