തിരുവനന്തപുരം അന്താരാഷ്ട്ര വിമാനത്താവളത്തിൽ തീപ്പിടിത്തമുണ്ടായെന്ന് റിപ്പോർട്ട്. റൺവേയോട് ചേർന്നുള്ള പുല്ത്തകിടിയില് ആണ് തീപ്പിടിത്തമുണ്ടായത്. റണ്വേയിലേക്കെത്തിയ പക്ഷികളെ ഓടിക്കാന് പടക്കം പൊട്ടിച്ചതിനെ തുടര്ന്നാണ് തീ പിടിച്ചത്. ഫയർഫോഴ്സ് ഉദ്യോഗസ്ഥരെത്തി തീയണച്ചു.
വിമാനത്താവളത്തിന് പുറത്താണ് തീപ്പിടിത്തം സംഭവിച്ചത് എന്നതിനാൽ യാത്രക്കാർ പരിഭ്രാന്തരായില്ല. അപകടമുണ്ടായ ഉടൻ തന്നെ വിമാനത്താവളത്തിലെ ജീവനക്കാർ പോലീസിൽ വിവരമറിയിച്ചു. അതുകൊണ്ട് അപകടരമായ രീതിയിൽ തീ പടർന്ന് പിടിക്കുന്നതിന് മുമ്പേ നിയന്ത്രണ വിധേയമാക്കാൻ ഫയർഫോഴ്സ് യൂണിറ്റിന് സാധിച്ചു.