ലോഹിതദാസം സംവിധാനം ചെയ്ത നിവേദ്യം എന്ന ചിത്രത്തിലൂടെയാണ് അഭിനയത്തിലേക്കെത്തുന്നത്. വിനു മോഹന്റെ സഹോദരൻ അനു മോഹനും സിനിമയിൽ സജീവമാണ്. കൊല്ലം കൊട്ടാരക്കരയിലുള്ള അന്തരിച്ച നാടക നടൻ മോഹൻ കുമാറിന്റെയും നാടക – സിനിമാ താരം ശോഭ മോഹന്റെയും മൂത്ത മകനായാണ് വിനു ജനിച്ചത്. നിവേദ്യത്തിലെ മോഹന കൃഷ്ണനെന്ന തനി നാടൻ യുവാവായ കഥാപാത്രത്തെ വിനു മോഹൻ ഗംഭീരമായി അവതരിപ്പിച്ചാണ് ശ്രദ്ധേയനായത്. 
തുടർന്ന് ഒരുപിടി നല്ല വേഷങ്ങൾ വിവിധ സിനിമകളിലായി നായകനായും സഹതാരമായുമൊക്കെ അഭിനയിച്ചു. തുടർന്നാണ് നടൻ വിവാഹിതനായത്. തമിഴിലും മലയാളത്തിലും ശ്രദ്ധേയയായ യുവനടി വിദ്യയെയാണ് വിനു മോഹൻ ജീവിതത്തിലേക്ക് കൂട്ടിയത്. വിനുമോഹൻ മുപ്പതിലേറെ ചിത്രങ്ങളിൽ അഭിനയിച്ചിട്ടുണ്ട്.
വിനു മോഹൻ തന്റെ ആദ്യ പ്രണയത്തെക്കുറിച്ച് പറഞ്ഞ ഒരു അഭിമുഖമാണ് സോഷ്യൽ മീഡിയയിൽ വൈറലാകുന്നത്. പ്രണയ നൈരാശ്യം ഉണ്ടോ എന്നുള്ള ചോദ്യത്തിന് വിനുവിന്റെ വാക്കുകൾ ഇങ്ങനെ. പ്രണയ നൈരാശ്യം ഒന്നും ഇല്ലായിരുന്നു. പക്ഷെ ആദ്യം ഞാൻ പ്രേമിച്ച കുട്ടി രണ്ട് കുട്ടികളുടെ അമ്മയായി കണ്ടപ്പോൾ വിഷമം തോന്നി. 
പണ്ട് ആ ബന്ധം ഇല്ലാതാക്കാനും ആ കുട്ടി വിവാഹം ചെയ്യാനും കാരണം ഒരു ദിവസം എന്റെ കാൾ മിസ്സ്‌ ആയതിന്റെ പേരിലാണ് എന്നാണ് ആ കുട്ടി പറഞ്ഞത്. എനിക്ക് ആ കുട്ടിയെ വിളിക്കാൻ പറ്റിയില്ല, അത് പറയാൻ പറ്റാത്ത പ്രണയമായി മാറി. ഡിഗ്രിക്ക് പഠിക്കുമ്പോൾ ആയിരുന്നു അതെന്നും വിനു പറഞ്ഞു.
അഞ്ചാം ക്ലാസ്സിൽ പഠിക്കുമ്പോൾ ആണ് ആദ്യ പ്രണയം. ആ കുട്ടി എട്ടാം ക്ലാസ്സിൽ എത്തിയപ്പോൾ ഞങ്ങൾ രണ്ടും വേറെ സ്കൂളിൽ ആയി. ഒരിക്കൽ അവൾ എനിക്ക് കത്തെഴുതി രണ്ട് പിള്ളേർ പുറകെ നടന്നു ശല്യം ആണെന്ന് ഒക്കെ പറഞ്ഞു. അന്ന് സൈക്കിൾ ഒക്കെ എടുത്തു ആ പിള്ളേരെ വിരട്ടാൻ ഞാൻ പോയി. 
പക്ഷെ ആ ലെറ്റർ വീട്ടിൽ പിടിച്ചു. എന്നും അതിന്റർ പേരിൽ വീട്ടിൽ വഴക്ക് തുടങ്ങി. അന്നൊക്കെ എനിക്ക് ഭയങ്കര ടെൻഷൻ ആയിരുന്നു, ആ പ്രണയം നഷ്ടപെടുന്നതോർത്തെന്നും വിനു കൂട്ടിച്ചേർത്തു
