തണ്ണീര്മത്തന് ദിനങ്ങള് എന്ന ഒറ്റ ചിത്രത്തിലൂടെ മലയാളികളുടെ മനസ്സില് ഇടം നേടിയ നടി ആണ് അനശ്വര രാജൻ. സോഷ്യൽ മീഡിയകളിലും താരം സജീവം ആണ്. മാത്രമല്ല പലപ്പോളും നിൽപാടുകളിൽ കൂടിയും നടി വാർത്തകളിൽ നിറഞ്ഞിട്ടുണ്ട്. ഇപ്പൊൾ സിനിമ നടി ആയതിനെ തുടർന്ന് നേരിടേണ്ടി വന്ന പ്രശ്നങ്ങളെ കുറിച്ച് തുറന്ന് പറഞ്ഞ് ഇരിക്കുക ആണ് താരം. വിചാരിക്കാത്ത കാര്യങ്ങള്ക്ക് പോലും പഴി കേള്ക്കേണ്ടി വന്നിട്ടുണ്ട് എന്ന് ഒരു മാഗസിന് നൽകിയ അഭിമുഖത്തിൽ താരം തുറന്ന് പറയുന്നു.
സിനിമാനടിയായതിന് ശേഷം വിവാഹച്ചടങ്ങുകളും മറ്റും ഭൂരിഭാഗവും ഒഴിവാക്കുകയാണ് ചെയ്യുന്നത് എന്നാണ് താരം പറഞ്ഞത്. എന്തെങ്കിലും പരിപാടിയില് പങ്കെടുത്ത് മടങ്ങിയെത്തിയാല് തനിക്ക് ജാഡയാണ് എന്നു പറഞ്ഞ് അച്ഛനും അമ്മയ്ക്കും നിരവധി ഫോണ്കോളുകള് എത്താറുണ്ടെന്നാണ് അനശ്വര പറയുന്നത്. ഉദാഹരണം സുജാതയ്ക്ക് ശേഷം ഒരു വിവാഹത്തിന് പോയപ്പോഴുണ്ടായ അനുഭവവും താരം പങ്കുവെച്ചു.
‘ഉദാഹരണം സുജാത ഇറങ്ങിയ സമയത്ത് അച്ഛന്റെ അടുത്ത ബന്ധുവിന്റെ വിവാഹത്തിന് പോയി. പൊതുവേ വിവാഹ ഫോട്ടോകളില് നില്ക്കാന് ഇഷ്ടപ്പെടാത്ത ആളാണ് ഞാന്. വിവാഹവീട്ടില് നിന്ന് പുറത്തേക്ക് ഇറങ്ങുമ്ബോള് പയ്യന്റെ കൂടെ ഒരു ഗ്രൂപ്പ് ഫോട്ടോ എടുക്കാന് എല്ലാവരെയും വിളിച്ചു. അയ്യോ ഞാനില്ല നിങ്ങളെടുക്കെന്ന് പറഞ്ഞ് ഞാന് മാറിക്കളഞ്ഞു. അതൊക്കെ കഴിഞ്ഞ് പിറ്റേ ദിവസം ഒരു സുഹൃത്ത് എനിക്കൊരു ഫെയ്സ്ബുക്ക് പോസ്റ്റ് അയച്ചുതന്നു. തലേന്നാള് കണ്ട ഫോട്ടോഗ്രാഫറുടെതായിരുന്നു ആ പോസ്റ്റ്.’
അതിങ്ങനെയായിരുന്നു: ‘കഴിഞ്ഞ ദിവസം ഒരു വിവാഹത്തിന്റെ ഫോട്ടോയെടുക്കാന് പോയപ്പോള് അടുത്തിടെ ഇറങ്ങിയ ഒരു സിനിമയില് അഭിനയിച്ച കുട്ടിയെ കണ്ടു. പത്ത് സിനിമയില് അഭിനയിച്ച അഹങ്കാരഭാവത്തോടെ മുഖം വക്രിച്ച് എന്റെ ക്യാമറയ്ക്ക് മുന്നില് നിന്ന് ആ കുട്ടി തിരിഞ്ഞുനടന്നു. കുട്ടിയുടെ മനസ്സില് അഹങ്കാരം കുത്തിവെച്ചത് സ്വപ്നലോകത്ത് നില്ക്കുന്ന മാതാപിതാക്കളാണ്.’ ഇതായിരുന്നു ആ പോസ്റ്റിന്റെ ഉള്ളടക്കം. അതെനിക്കും കുടുംബത്തിനും വലിയ വിഷമമുണ്ടാക്കി.’- അനശ്വര പറഞ്ഞു. സിനിമാ താരങ്ങൾ ആയാൽ ഇത്തരം വേളകളിൽ മാത്രമല്ല സോഷ്യൽ മീഡിയയിലും അവർക്കെതിരെ അസഭ്യം പറയുക ചിലരുടെ ക്രൂര വിനോദം ആണ്. താരങ്ങളുടെ പോസ്റ്റിനടിയിൽ കേട്ടാൽ അറക്കുന്ന ചീത്ത വിളിയും ചിലർക്ക് ഒരു വിനോദമാണ്