കെ എം മാണിയുടെ തിരിച്ചു വരവ് യു ഡി എഫിനെ ശക്തിപ്പെടുത്തുമെന്ന് രമേശ് ചെന്നിത്തല.
വിവാദങ്ങൾ അനാവശ്യവും അടിസ്ഥാനരഹിതവും. മുന്നണി ശക്തിപ്പെടുത്താനാണ് കേരള കോൺഗ്രസ് എമ്മിനെ സ്വാഗതം ചെയ്തത്.
എൽ ഡി എഫിനും എൻ ഡി എയ്ക്കും ബദലാകാൻ ഈ തീരുമാനം വഴി സാധിക്കും. കുറെ കാലമായുള്ള ആവിശ്യമാണ് ഇപ്പോൾ യാഥാർഥ്യമായത്.
മുന്നണി താല്പര്യവും ജന താല്പര്യവും കണക്കിലെടുത്താണ് തീരുമാനം. ആർ എസ് പിയെ മുന്നണിയിൽ എടുക്കാനുള്ള തീരുമാനം 5 മിനിറ്റ് കൊണ്ടാണ് ഉണ്ടായത്.
എല്ലാ തീരുമാനവും കെ പി സി സി എക്സിക്യൂട്ടീവ് ചേർന്ന് എടുക്കാൻ ആകില്ല. കോൺഗ്രസിന് രാജ്യസഭാ സീറ്റ് നഷ്ടപ്പെട്ടിട്ടില്ല.
അത്തരം പ്രചാരണം അടിസ്ഥാനമില്ലാത്തതാണ്. 2021 ൽ കേരള കോൺഗ്രസ് എമ്മിന് കൊടുക്കേണ്ട സീറ്റ് 2018 കൊടുത്തു എന്നെ ഉള്ളു.
എതിർപ്പുയർത്തുന്ന കോൺഗ്രസ്സുകാരെ വസ്തുതകൾ പറഞ്ഞു മനസ്സിലാക്കിപ്പിക്കുമെന്നും രമേശ് ചെന്നിത്തല പറഞ്ഞു.
