ഓണ്‍ലൈന്‍ കണ്ടെന്റുകളിലെ പരാതി പരിഹാരത്തിനായി ത്രിതല സംവിധാനം ഏര്‍പ്പെടുത്തണമെന്ന് കേന്ദ്ര വിവര, പ്രക്ഷേപണ മന്ത്രാലയം. പരാതികള്‍, അവയില്‍ കൈകൊണ്ട നടപടികള്‍, പരിഹാരങ്ങള്‍ എന്നിവ എല്ലാ മാസവും പ്രസിദ്ധീകരിക്കണമെന്നാണ് പുതിയ നിര്‍ദേശം. അടുത്ത മാസം പത്താം തിയതി മുതല്‍ ഈ തീരുമാനം പ്രാബല്യത്തില്‍ വരും.
കണ്ടെന്റുകളിലെ പരാതി പരിഹാരത്തിനായി സ്ഥാപനങ്ങളില്‍ ത്രിതല സംവിധാനമുണ്ടായിരിക്കണമെന്നാണ് മന്ത്രാലയത്തിന്റെ പുതിയ ഉത്തരവ്. പബ്ലിഷര്‍ ( ലെവല്‍ ഒന്ന് ), സെല്‍ഫ് റെഗുലേറ്ററി ബോഡി (ലെവല്‍ രണ്ട്), ഓവര്‍സൈറ്റ് മെക്കാനിസം ( ലെവല്‍ മൂന്ന്) എന്നിങ്ങനെയാകണം ഇതിന്റെ ഘടന. ഓരോ സ്ഥാപനവും സ്വയം പരാതി പരിഹാരിക്കാനും സ്വയം തിരുത്താനുമുള്ള സംവിധാനം രൂപീകരിക്കണം. ഇത് സംബന്ധിച്ച് ലഭിക്കുന്ന പരാതികള്‍, അതിന്റെ പരിഹാരം, പരാതികള്‍ക്കുമേല്‍ കൈകൊണ്ട നടപടികള്‍, അവ ആവര്‍ത്തിക്കാതിരിക്കാന്‍ കൈകൊണ്ട നടപടികള്‍ എന്നിവ സ്വമേധയാ പ്രസിദ്ധീകരിക്കാന്‍.
