മലയാള സിനിമയിൽ യുവ നാടികമാരിൽ തിളങ്ങുകയാണ് നടി അഹാന കൃഷ്ണ. ഞാൻ സ്റ്റീവ് ലോപസ് എന്ന ചിത്രത്തിലൂടെ എത്തിയ താരത്തിന് കൈ നിറയെ ചിത്രങ്ങളാണ്. സോഷ്യൽ മീഡിയയിലും ഏറെ സജീവമാണ് അഹാന. അച്ഛനും നടനുമായ കൃഷ്ണകുമാറും അമ്മ സിന്ധുവും നടിയുടെ സഹോദരിമാരും സോഷ്യൽ മീഡിയയിൽ സജീവമാണ്. യൂട്യൂബിലും താര കുടുംബം തിളങ്ങി നിൽക്കുകയാണ്. അഭിനേത്രി എന്നതിന് പുറമേ ഒരു സോഷ്യൽ മീഡിയ ഇൻഫ്‌ളുവൻസർ കൂടിയാണ് അഹാന കൃഷ്ണ. ഇത്രയും ഫോളോവേഴ്‌സുള്ളത് കൊണ്ടു തന്നെ അത്തരത്തിലുള്ള ഉത്തരവാദിത്തവും പോസ്റ്റ് ചെയ്യുന്ന കണ്ടന്റിൽ കാണിക്കാറുണ്ടെന്ന് പറയുകയാണ് അഹാന.
വാക്കുകൾ, ആദ്യമൊന്നും ഇക്കാര്യങ്ങൾ ശ്രദ്ധിച്ചിരുന്നില്ല, എന്നാൽ പല സ്ഥലങ്ങളിൽ വെച്ചും ആളുകൾ തന്റെ വീഡിയോയെ പറ്റി പറയാൻ തുടങ്ങിയതോടെ ആ ഉത്തരവാദിത്തം തന്നെ വന്നു. ആദ്യമൊക്കെ അതൊരു ഉത്തരവാദിത്തമാണെന്ന് മനസിലാവാറുണ്ടായിരുന്നില്ല. എന്റെ ഇൻസ്റ്റഗ്രാം അക്കൗണ്ടിന് 5000 ഫോളോവേഴ്സ് ഉണ്ടായിരുന്നപ്പോൾ എങ്ങനെയാണോ ബിഹേവ് ചെയ്തത് അതുപോലെ തന്നെയാണ് ഇപ്പോഴും പെരുമാറുന്നത്. നമ്പർ കൂടുന്നത് ശ്രദ്ധിക്കാറില്ല.എന്നാൽ കുറച്ച് കഴിയുമ്പോൾ നമുക്ക് ആ ഉത്തരവാദിത്തം മനസിലാവും. കാരണം ചില സ്ഥലങ്ങളിൽ പോകുമ്പോൾ ചേച്ചി അന്ന് പറഞ്ഞ ആ ഡ്രസില്ലേ അതാ ഞാൻ വാങ്ങിച്ചത്, അന്ന് പറഞ്ഞ ക്രീം വാങ്ങി എന്നൊക്കെ ചിലർ പറയും. അങ്ങനൊക്കെ പറയുമ്പോൾ മനസിലാവും.
കുറച്ച് നാളുകൾക്ക് മുമ്പ് എന്റെ സുഹൃത്തിന്റെ വീട്ടിൽ പോയപ്പോൾ എന്റെ പ്രായമുളള ഒരു പയ്യൻ എന്നോട് പറയുകയാണ് ഈയടുത്ത് ഫാഷൻഫ്രൂട്ട് കഴിക്കുന്ന ഒരു വീഡിയോ ഇട്ടില്ലായിരുന്നോ, എന്റെ ഗ്രാന്റ് മദർ അത് വീട്ടിൽ ടി.വിയിൽ ഇട്ട് കണ്ടോണ്ടിരിക്കുകയായിരുന്നു എന്ന്. എനിക്ക് അത്ഭുതമായി. അത്രത്തോളം ആൾക്കാരിലേക്ക് ഇത് എത്തുന്നുണ്ടെന്ന് അപ്പോഴാണ് എനിക്ക് മനസിലാവുന്നത്.
പിന്നെ കണ്ടന്റ് ഇടുമ്പോൾ കുറച്ച് ഉത്തരവാദിത്തമുണ്ടാവും. ഞാൻ ഇടുന്ന വീഡിയോയുടെയെല്ലാം പരിപൂർണ ഉത്തരവാദിത്തം എനിക്കാണ്. വെറുതെ ഒരു കണ്ടന്റ് ഞാൻ ഇടില്ല. താൽപര്യമില്ലാത്ത ഒരു കണ്ടന്റ് ഞാൻ ഇടില്ല, എത്ര രൂപ തരാമെന്ന് പറഞ്ഞാലും. എത്ര രൂപ തന്നാലും എന്റെ ക്രഡിബിളിറ്റിക്ക് പകരമാവില്ല. 50 കോടി തരാമെന്ന് പറഞ്ഞാലും അതിന് പകരം എന്റെ വിശ്വാസ്യത വിൽക്കില്ല. എന്ത് സാധനമാണെങ്കിലും എനിക്ക് അംഗീകരിക്കാൻ പറ്റുന്നതാണോ എന്ന് നോക്കും. അല്ലെങ്കിൽ വേണ്ട എന്ന് പറയും. അവർക്ക് മാറ്റാൻ പറ്റുന്നതാണെങ്കിൽ അത് പറയും
