നടി അനുശ്രീ ജീവിതത്തിലെ ഏറ്റവും സന്തോഷകരമായ സമയത്തിലൂടെയാണ് കടന്നുപോകുന്നത്. സ്വന്തമായൊരു വീട് എല്ലാവരുടെയും സ്വപ്നമാണ്. അത് യാഥാര്‍ത്ഥ്യമാക്കിയിരിക്കുകയാണ് അനുശ്രീ.പാലുകാച്ചല്‍ ചടങ്ങിന്റെ വിശേഷങ്ങള്‍ ആണ് നടി ഇപ്പോള്‍ പങ്കുവെച്ചിരിക്കുന്നത്. മലയാള സിനിമയിലെ താരങ്ങളെല്ലാം അനുവിന്റെ സന്തോഷത്തില്‍ പങ്കുചേരാന്‍ എത്തിയിരുന്നു. നാല് വര്‍ഷങ്ങള്‍ക്ക് മുമ്പ് കൊച്ചി നഗരത്തില്‍ ഒരു ഫ്‌ലാറ്റ് നടി സ്വന്തമാക്കിയിരുന്നു. അത് കൂടാതെയാണ് ഈ സ്വപ്നഭവനം.
‘അനുശ്രീ നായര്‍, എന്റെ വീട്’ എന്നാണ് പുതിയ വീടിന്റെ മുന്നില്‍ നടി എഴുതിപ്പിച്ചത്. അത്രയ്ക്ക് ആഗ്രഹിച്ചു വാങ്ങിയ വീടാണെന്നു വേണം ഇതില്‍നിന്നും മനസ്സിലാക്കുവാന്‍. അനുശ്രീയുടെ പുതിയ വീടും കൊച്ചിയില്‍ തന്നെയാണ്. എന്നാല്‍ ഇത് ഫ്‌ളാറ്റല്ല വീട് തന്നെയാണ്.
അഞ്ചു വര്‍ഷങ്ങള്‍ക്ക് മുമ്പാണ് അനുശ്രീ വീടുവയ്ക്കാനായി കൊച്ചിയില്‍ തന്നെ സ്ഥലം വാങ്ങിയത്. ഇത്രയും വര്‍ഷം കാത്തിരുന്നാണ് സ്വപ്നഭവനം പണികഴിപ്പിച്ചത്.നല്ല രീതിയില്‍ ഇന്റീരിയര്‍ ചെയ്തിട്ടുണ്ട്.
ദിലീപ്, ഉണ്ണിമുകുന്ദന്‍, വിഷ്ണു ഉണ്ണികൃഷ്ണന്‍, അദിതി രവി, സ്വാസിക, അപര്‍ണ ബാലമുരളി നമിത പ്രമോദ് ഗ്രേസ്, ആന്റണി, ലാല്‍ ജോസ് തുടങ്ങിയ പ്രമുഖര്‍ അനുശ്രീയുടെ പുതിയവീട്ടില്‍ എത്തിയിരുന്നു. വിവാഹശേഷം ഭര്‍ത്താവുമൊത്ത് നടി സ്വാസിക പങ്കെടുത്ത ആദ്യ ചടങ്ങ് കൂടിയായി അനുശ്രീയുടെ വീടിന്റെ പാലുകാച്ചല്‍. വീട്ടിലേക്ക് ആദ്യമായി എത്തിയ അതിഥികളെ ഓരോരുത്തരെയും അനുശ്രീ നേരിട്ട് എത്തി അകത്തേക്ക് ക്ഷണിക്കുന്നതും നടി പങ്കുവെച്ച വീഡിയോയില്‍ കാണാം.
