സ്‌ക്രീനിലെ മികച്ച കെമിസ്ട്രി ജീവിതത്തിലും നിലനിര്‍ത്തി, സന്തുഷ്ട കുടുംജീവിതം നയിച്ചുവരികയാണ് ദിലീപും കാവ്യ മാധവനും. മലയാളികളുടെ എക്കാലത്തേയും പ്രിയപ്പെട്ട അഭിനേത്രികളിലൊരാളാണ് കാവ്യ മാധവന്‍. ബാലതാരത്തില്‍ തുടങ്ങി മുന്‍നിര നായികയായി തിളങ്ങുകയായിരുന്നു താരം.
മുന്‍പ് കൈരളി ചാനലിന് നല്‍കിയ അഭിമുഖത്തിന്റെ വീഡിയോ വീണ്ടും വൈറലായിക്കൊണ്ടിരിക്കുകയാണ്. സിനിമയില്‍ സജീവമല്ലെങ്കിലും താരവിവാഹങ്ങളിലും സിനിമാസംബന്ധിയായ ചടങ്ങുകളിലുമെല്ലാം ദിലീപിനൊപ്പം കാവ്യയും ഉണ്ടാവാറുണ്ട്. ജീവിതത്തില്‍ അത്ര പാവമൊന്നുമല്ല താനെന്നാണ് കാവ്യ മാധവന്‍ പറയുന്നത്.
ഞാന്‍ വളരെ ഡിപ്പന്റഡാണ്, എന്റെ അച്ഛനിലും അമ്മയിലും. പിന്നെ എനിക്ക് ചുറ്റിലുമായി നില്‍ക്കുന്നവരിലും ഞാന്‍ ഡി്പ്പന്റഡാവും. അങ്ങനെയായിപ്പോയി ചെറുപ്പം മുതലേ എന്നെ ട്രയിന്‍ ചെയ്യിച്ചത്. ഡിപ്പന്റഡാവാനാണ് എനിക്ക് ഇഷ്ടം. ഇന്‍ഡിപ്പെന്റഡാവാനുള്ള അവസരം എനിത്ത് ലഭിച്ചിരുന്നില്ലെന്നും കാവ്യ വ്യക്തമാക്കിയിരുന്നു.
പൊതുവെ ഒരു പാവം പെണ്‍കുട്ടി ഇമേജാണുള്ളത്. എന്നാല്‍ താന്‍ അങ്ങനെ പാവത്താനൊന്നുമല്ലെന്നായിരുന്നു കാവ്യ പറഞ്ഞത്. ഞാനെത്ര മാത്രം ബോള്‍ഡാണ് എന്നൊന്നും അറിയില്ല, എന്നാല്‍ പല കാര്യങ്ങള്‍ക്കും വ്യക്തതയുണ്ട്. കാര്യങ്ങളെക്കുറിച്ച് അറിയാം. മുന്‍പൊന്നും അതുണ്ടായിരുന്നില്ല. ആ അങ്ങനെ തന്നെ അങ്ങ് പോവാമെന്നായിരുന്നു മുന്‍പ്. ഷൂട്ടിംഗ് സമയമായി പോയി, അത് ചെയ്തു, ഇത് ചെയ്തു അങ്ങനെയങ്ങ് പോവുകയായിരുന്നു മുന്‍പ്.
എത്രയോ കാലത്തെ ആഗ്രഹത്തിനൊടുവിലായാണ് ഡ്രൈവിംഗ് പഠിച്ചത്. അത്യാവശ്യ ഘട്ടങ്ങളില്‍ ഞാന്‍ വണ്ടിയെടുക്കാമെന്ന് പറയുമ്പോള്‍ അല്ല അതത്ര അത്യാവശ്യമില്ലെന്നാണ് അവരുടെ മറുപടി. നാളയെയാലും മതിയെന്നായിരിക്കും അവരുടെ മറുപടി. ജീവിതത്തില്‍ ഓരോ സന്ദര്‍ഭം വരുമ്പോഴാണ് നമ്മള്‍ മാറുന്നത്. പിന്നെ പ്രായം കൂടുമ്പോഴുള്ള മാറ്റമൊക്കെ വേണ്ടേ.ഇന്റഡിപ്പെന്റാവുകയെന്ന ലക്ഷ്യത്തിന് വേണ്ടിയായിരുന്നു ഡ്രൈവിംഗ് പഠിച്ചത്. എനിക്കൊരിക്കലും ചെയ്യാന്‍ പറ്റാത്ത കാര്യമാണെന്നായിരുന്നു കരുതിയത്. ഷീ ടാക്‌സിയിലൂടെ അത് ഓക്കേയായി. ഓക്കെയാവാത്തത് പോലെയാണ് ഇപ്പോഴും. ധൈര്യമായി വണ്ടിയെടുത്ത് വരുമ്പോഴേക്കും അത് നിര്‍ത്തുകയായിരുന്നു. എനിക്ക് ധൈര്യമുണ്ടെങ്കിലും അമ്മയ്ക്ക് പേടിയാണ്. അച്ഛനും അമ്മയും എന്റെ കൂടെ കയറില്ല.
മുടി പോയത് സങ്കടമാണ്. ഫാഷനില്‍ കോണ്‍ഷ്യസാണെന്നൊന്നും പറയാനാവില്ല. എനിക്ക് ചേരുന്ന മാറ്റങ്ങളേ വരുത്താറുള്ളൂ. എന്നാലും പലര്‍ക്കും ഇഷ്ടമല്ല. മുടി പോയത് എനിക്കൊരു വലിയ വിഷമമാണ്. മുടി പോയതോടെ ഇഷ്ടം പോയി, ഐശ്വര്യം പോയി എന്നൊക്കെയാണ് അമ്മമാര്‍ പറയാറുള്ളത്. വേണമെന്ന് വെച്ച് കട്ട്‌ചെയ്തതല്ല, പോയപ്പോള്‍ അത് ഭംഗിയാക്കാനായി വെട്ടിയതാണ്. എപ്പോഴും ഓരോന്നായി ചെയ്തുകൊണ്ടിരിക്കുകയല്ലേ. ട്രെന്‍ഡിയാവാനൊന്നും എനിക്ക് പറ്റാറില്ല. എനിക്ക് പറ്റുന്ന മാറ്റങ്ങള്‍ പരീക്ഷിക്കാറുമുണ്ടെന്നായിരുന്നു കാവ്യ മാധവന്‍ ഫാഷന്‍ സെന്‍സിനെക്കുറിച്ച് പറഞ്ഞത്.
