കുറ്റിപ്പുറത്ത് തൊണ്ടയില് ഭക്ഷണം കുടുങ്ങി എട്ടുമാസം പ്രായമായ കുഞ്ഞ് മരിച്ച സംഭവത്തിൽ കൂടുതൽ വിവരം പുറത്ത്. ചെമ്പിക്കല് പാഴൂര് സ്വദേശികളായ റാഫി റഫീല ദമ്പതിമാരുടെ മകള് റിഷ ഫാത്തിമയാണ് മരിച്ചത്.
കുഞ്ഞിന് കഞ്ഞി കൊടുക്കുന്നതിനിടെ ഭക്ഷണം തൊണ്ടയിൽ കുടങ്ങിയത്. ഉടന് തന്നെ വളാഞ്ചേരിയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ഗുരുതരാവസ്ഥയിലായതിനാല് കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു. ഇന്നലെ പുലര്ച്ചെയോടെയാണ് മെഡിക്കല് കോളേജ് ആശുപത്രിയില് വെച്ച് കുഞ്ഞ് മരിച്ചത്.
പൊലീസിന്റെയും സന്നദ്ധ സേനയുടെയും നേതൃത്വത്തിൽ ഗതാഗത നിയന്ത്രണങ്ങൾ ഏർപ്പെടുത്തിയാണ് ആംബുലൻസിൽ കുഞ്ഞിനെ മെഡിക്കൽ കോളേജിലേക്ക് കൊണ്ടുപോയത്.